MWC 2019 Mein February 24 Ko Apna Flagship Smartphone Launch Karega Xiaomi

MWC 2019, jo ki smartphones ka poore saal ka sabse bada event hai, mein Xiaomi bhi hissa lene hi taiyaari kar chuki hai. Xiaomi ka kuch din pehle leak hua ek poster bhi isi taraf ishara kar raha hai ki company apna naya premium phone launch kar sakti hai.

Haal hi mein ek popular leakster Benjamin Geskin ne Twitter par share kiya ki Xiaomi February 24 yaani ki MWC 2019 se thik ek din pehle, ek press event ki announcement kar chuki hai. MWC 2019 mein jahaan sabhi leading smartphone makers, apne 5G smartphones showcase ki taiyaari mein hain, wahin Xiaomi bhi apna first 5G smartphone is event mein introduce kar sakti hai.

Xiaomi ka 5G phone, aur koi nahin, balki last year launch hua Mi Mix 3 hi hai. Lekin is baar is smartphone ko 5G connectivity aur Snapdragon X50 modem ke saath saamne laaya jaa sakta hai.

Halaanki CES 2019 ke dauraan Qualcomm ke booth par bhi Mi Mix 3 ka 5G variant dekha jaa chuka hai. Is smartphone ki announcement company ne October 2018 mein tabhi kar di thi, jab Mi Mix 3 ko China mein launch kiya gaya tha. Usi samay company ne kaha ki wo jaldi hi 5G ke saath is smartphone ko launch karenge aur kaafi samay se is smartphone ka naam hum kuch rumors mein bhi dekh chuke hain.

Saath hi is smartphone ke baare mein isliye bhi baat ki jaa rahi hai, kyunki September 2017 mein launch huye Mi Mix 2 ko company ne March 2018 mein upgrade kar Mi Mix 2s ko launch kiya. Aur ho sakta hai ki October 2019 mein launch huye Mi Mix 3 ko bhi company upgrade kar February 2019 mein launch karne waali ho.

Well, MWC 2019 jitna kareeb aa raha hai, sabhi leading smrtphone manufacturers ke phones ke leaks bhi badhte jaa rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: