MWC 2019 Mein 18000mAh Battery Ke Saath Premium Smartphone Launch Karega Ye Brand

MWC (Mobile World Congress), is saal kaafi interesting hone waala hai, jahaan lagbhag sabhi leading smartphone maker, kuch naa kuch nayi technologies lekar aa rahe hain. Aise mein American smartphone maker, Energizer bhi peeche nahin hai. Halaanki ye company saal bhar mein jyada nazar nahin aati hai, lekin MWC ke waqt iska koi naa koi anokha smartphone zaroor launch hota hai.

Is baar yaani ki MWC 2019 mein American based Energizer bhi kuch khaas lekar aa raha hai. Ye company ek premium smartphone launch karne waali hai, jismein pop-up two selfie camera honge. Is smartphone ka naam Power Max P18K Pop hai. Ye smartphone last year MWC ke dauraan launch huye Power Max P16K Pro ka successor hai, jismein 16,000mAh ki battery di gayi thi.

Power Max P18K Pop ki battery, aapko 50 days tak ka standby time support de sakti hai. Saath hi ye 18W quick charging support ke saath aati hai. Is smartphone ko aap ek power bank ki tarah bhi use kar sakte hain, jo ki aapki other accessories, ya smartphones ko charge kar sakta hai.

MWC 2019 mein launch hone waale is smartphone ke naam ke age jo pop laga hai, wo selfie camera ki taraf hi ishara karta hai. Energizer P18K Pop mein 16+2 MP ke dual pop-up selfie camera diye gaye hain.

Specs ki baat karein to, is smartphone mein aapko 6.2 inch ki full HD+ notchless display milti hai, saath hi bezels bhi kaafi slim hain. Wahin ye smartphone Android 9.0 Pie OS ke saath aayega. Lekin hardware yahaan par aapko Octa Core MediaTek Helip P70 mil raha hai, jiske saath 6GB ki RAM aur 128GB ki inbuilt memory di gayi hai.

Iske alawa Energizer ke is smartphone mein USB Type-C port moujood hai. Well, company ne specs bhale hi out kar diye ho, lekin price aani abhi baaki hai. MWC 2019 mein is smartphone ki price ke baad hi pata chalega, ki ye kitna worth rakhta hai.

Lekin 18,000mAh ki battery ke saath smartphone, iske baare mein aap kya kahenge?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: