MWC 2019 Mein Oppo Ne Show Ki 10X Lossless Zoom Technology, Q2 Mein Launch Hoga Is Technology Ke Saath First Phone

Oppo ne last month apne smartphones mein 1oX Zoom technology ko laane ki baat saamne rakhi thi. Iss technology ko company ne MWC 2019 event se thik pehle hi announce kar diya hai. Jaisa ki aap sabhi jaante hain ki Oppo apne bhadiya smartphone camera ke liye jaana jaata hai. 2017 mein iss company ne 5X zoom ko introduce kiya tha. Ab Oppo ne 10X ‘Lossless Zoom’ ko present kiya hai.

 

Oppo Shows 10X Lossless Zoom Technology| Image Credit : IANS

 

Iss 10X Lossless Zoom technology based phone ko company 2019 ke second quarter mein launch kar sakti. Event mein Oppo ne bataya ki smartphone mein yeh technology triple rear camera ke saath use ki jaaegi, jahan primary camera 48MP ka use kiya jaaega. Secondary camera mein 120 degree ultra wide angle lens aur third camera tele photo lens use kiya jaaega. Iss feature ko company last month China mein announce kar chuki thi, lekin officially iss features ko aaj MWC 2019 mein launch kiya gaya hai.

 

Iss feature se less smartphone camera entry level DSLR camera ke equal photo click kar sakega. Company ke Product Manager Chuck Wang ne bataya ki iss technology mein use hone wale teenon lens ki help se hum 16 mm se le kar 160 mm tak ki broad focal length ko cover sakenge. Iske saath hi unhone bataya ki iss lens ko camera mein periscopic module ke through fit kiya jaaega, jo ki horizontally organise hoga. Iss se camera ki thickness jyada nahi bhadegi. Iss lens ke saath phone ki maximum thickness 6.76 mm rakhi jaaegi.  Saath hi iss 10X Lossless Zoom ke saath aane wala phone 5G support ke saath launch hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: