MWC 2018: Ye Smartphones MWC Mein Launch Hone Ke Liye Confirm

Mobile World Congress, Smartphones ki duniya ka sabse important event hota hai, jiske shuru hone se 3-4 mahine pehle se hi kaun kaun se smartphone is event mein aane waale hain, is baat ko lekar excitement aur rumors dikne lagte hain. Har baar ki tarah is baar bhi MWC 2018 mein kya launch hone waala hai, iski charcha har jagah hai, hazaaron rumors moujood hain. Lekin hum aapko un smartphones ke baare mein bataane jaa rahe hain jinka launch hona is event mein rumors nahin balki confirm ho chukka hai.

Aaiye jaante hain ki kaun se smartphone MWC 2018 mein dastak de rahe hain.

Samsung Galaxy S9 and S9+

Samsung Galaxy S9 series ko MWC se thik ek din pehle 25 February ko launh karne jaa raha hai jiske liye invites bhi aa chuke hain. Galaxy S9 aur S9+ snapdragon 845 ke saath aane waale pehle Samsung devices honge aur saath hi inmein enhanced camera ke saath animated emojis, slow motion video shooting aur better low lighting photography jaise features bhi honge. Inki kimat 65,000 se 75,000 INR tak hogi.

LG V30 (2018)

LG bhi MWC 2018 mein apne premium handset V30 ke 2018 edition ko launch karne ki baat announce kar chuka hai, jiska naam V30 Alpha bhi ho sakta hai. Is smartphone mein artificial AI technologies hongi jo camera aur voice recognition par jyada focus karengi. Saath hi company ne is smartphone mein 32 exclusive voice commands dene ki baat kahi hai jiske liye wo Google se tie-up karenge. LG ne apna V30 IFA 2017 mein launch kiya tha, jiske baad company ne premium range mein abhi koi aur smartphone launch nahin kiya hai. Iske updated version yaani 2018 edition mein company kya updates karti hai ye agle week pata chal hi jayega.

ASUS Zenfone 5 series

ASUS ka event MWC ke doosre din yaani ki 27th February ko hai jismein company Zenfone 5 series launch karne jaa rahi hai. Company ne isko lekar twitter par ek post bhi kiya hai jismein photo mein aapko likha dikhaayi dega – “We love photo” jiska matlab hai ye series bhi camera centric hi hogi. Reports ke according is series mein 3 smartphones – Zenfone 5, Zenfone 5 Max aur Zenfone 5 Lite launch ho sakte hain.

Nokia 4, 7 Plus and 8 Sirocco

HMD Global bhi MWC mein naye Nokia smartphones ke saath shirkat karega aur Nokia ka event bhi 25 February ko hi hoga jismein Nokia 7 Plus, Nokia 1, Nokia 8 sirocco aur Nokia 4 launch ho sakte hain. In sabhi smartphones mein budget handset se lekar high-end smartphones tak sab shaamil hain. Nokia 1 Android Oreo Go edition par chalne wala phone hai jismein HS display, 1Gb RAM aur 8GB ROM jaise features hain. Wahin Nokia 8 Sirocco QHD OLED display ke saath aayega jo Android 8.0 Oreo par chalega. Ismein 8GB RAM aur 128GB storage ho sakti hai.

Sony Xperia XZ Pro

Sony bhi apne MWC mein hone waale event ke media invites bhej chuki hai aur is event mein Xperia XZ Pro ke aane ummid hai. Xperia XZ Pro ek premium smartphone hoga jo 5.7 inch ki full view 4K display, Snapdragon 845 chipset, 6GB RAM aur 3420mAh battery ke saath aa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: