Music Steaming Platform Spotify Ab India Mein Bhi Dega Apni Services, Jaane Sabhi Subscriptions Plans Ke Baare Mein

World’s most popular music streaming service app Spotify ko finally ab India mein launch kar diya gaya hai. Iss app ka intejaar kaafi samay se Indian audience kar rahi thi. Agar aapko nahi pata hai to hum aapko bata dein ki Amazon Music, Jio Saavan, itunes  app ki tarah hi Spotify bhi ek paid music streaming app hai. Yeh app ab India mein iOS aur Android dono hi platform par available hogi. Iska announcement Spotify ne apni official website ke through kiya hai.

 

 

Initially yeh app 30 days ke free trial ke saath aapko milegi. Lekin company ne iske liye kuch special subscription plans bhi release kiya hain.  Subscription plans ke duaraan one month ke free trial ke baad aapko iske liye pay karna hoga jahan per day se le kar yearly plans tak available hain. Agar aap iss ka one month ya koi bhi premium subscription plan nahi lena chahte hain to Rs 13 de kar aap iska one day plan bhi le sakte hain.

 

Spotify ka premium plan Rs 119 one month ke liye hai wahin iska dusra premium plan Rs 1,189 one year ke liye hai. Iske alawa ismein aapko aur bhi kuch top-up plans milte hain jinhe aap neeche list mein dekh sakte hain.

 

 

Spotify ke premium user iss app ko offline bhi use kar sakenge saath hi unhe ad-free music sunne ka mouka bhi milega. Itna hi nahi premium users 320kbps ki speed se high quality streaming bhi kar sakenge. Spotify ne India mein apni service ko behtar roop se expand karne ke liye bollywood song ke saath other regional music content ko bhi add kiya hai jismein punjabi, tamil, telugu content bhi hai. Spotify ki iss list mein T-series music ke alawa bollywood aur other regional languages ke 1,60,000 songs sunne ko milenge.

 

Spotify ne students ke liye bhi ek plan offer kiya hai jismein unhe premium plan lene par sirf 50% hi pay karna hoga. Spotify ke subscription plan ko buy karne ke liye aap Master card, Visa Card, Credit ya debit card ke through payment kar sakte hain. Issi ke saath one time pack ya premium yearly plan ke liye aap Paytm ya UPI ka use bhi kar sakte hain. Inn sabhi subscription plans ke saath Spotify abhi tak India mein most expensive music streaming service provider hai.

 

Globally, 96 million users Spotify ki paid app ko use kar rahe hain. Spotify app mein har din 30,000 new tracks ko add kiya jaata hai, jiske chalte aaj iss platform par 3 billion tracks available hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: