Mulk – One of the best movies we have seen in a while

A still from Mulk

Is hafte 3 new films – Mulk, Fanney Khan aur Karwaan, bade parde pe release huyi! Teeno hi kafi interesting lag rahi thy trailer se. Jaha Fanney Khan aur Karwaan light-hearted movies hai, vahi Mulk 1 serious topic pe based hai. Humne in teeno me se Mulk dekhy is Friday, aur usi ke chalte laye hai apke liye is movie ka review.

Mulk ke bare me hum yaha jitna bhi likhe, kam hi hoga. Kafi cinema-favourite topic choose kiya hai director ne, aur uske sath complete justice kiya hai. Yaha pe, thoda sa background de dete hai hum movie ka; ye ek Muslim family ki life pe based hai jinka ek family member terrorist ban gaya. Kese in logo ne apna khoya huya honor hasil kia, ye bohot hi khoobsurti se darshaya gaya hai is film me.

Hala ki society bohot develop ho chuki hai, par phir bhi ese bohot log hai jo Muslims ko shaq ki nigah se dekhte hai. Log aj bhi unke against prejudiced hai aur aj bhi emergency situations me vo community kafi bar alienate ho jati hai. Kafi movies ne is topic ko uthaya hai aur darshaya hai, jese ki My Name is Khan. But, jab hum Mulk ki bat karte hai, I think, aj tak esi koi bhi movie release nahi huyi, jisme ek insan ke pain ko itni achy tara darshaya gaya ho. Ek scene tha movie me, jisme Bilal ka character nibhane vale Manoj Pahwa ko torture kara jata hai, but, unke sath sath viewers bhi unka pain feel kar pa rahe the. Ek time tha movie me, jisme hum chahte the ki movie ruk jaye, kyuki hum ye torture aur nahi dekh pa rahe the!

Is film ne kafi tough sawal uthaye hai jinke jawab sadly humare pas nahi hai. Kyu aj bhi, independence ke 71 years bad, Indians, Muslim aur Hindu jese religions me bate huye hai? Kyu ek terrorist sirf ek terrorist nahi, but Muslim terrorist kehlaya jata hai? Kya Muslim community ke sare log terrorist hai? Un Muslims ka kya jinhone desh ka naam roshan kiya hai jese ki Shri Abdul kalam, Shahrukh Khan? Hum kab samjhenge ki terrorism ka koi religion nahi hota?

Kafi hard hitting movie hai Mulk. Agar ap timepass karne ke liye koi movie dekhne ka soch rahe hai, to ye movie apke liye nahi hai. Lekin, Mulk ko dekhne ke bad, apka Muslims ki taraf perspective change hoga, ye hum promise kar sakte hai.

Prejudice angle ke alava, dusra topic jo film me uthaya gaya hai, vo ye ki kitna closely humare gharvale hum se associated hote hai. Kese humari har harkat ka humare sath sath unpe bhi affect hota hai. Kuch bhi galat karne se pehle agar har insan apne gharvalo ke bare me soche, to ye world ek better place ban sakta hai.

Conclusion

We loved Mulk. Har ek artist ne umda performance ke sath, apne role ke sath justice kiya hai. Tapsee Panu ne Pink aur Baby jesi movies ke bad, Mulk me esi compelling acting se ye sabit kar diya hai ki vo kiti layak actress hai. Unke alava, Rishi Kapoor, Ashutosh Rana, Neena Gupta aur Manoj Pahwa ki acting bhi kabile tarif hai.

Hum Mulk ko 5 me se 4.5 stars dete hai.

 

Facebook Comments

Recommended For You

About the Author: Fire Fly

Leave a Reply

Your email address will not be published.

%d bloggers like this: