Movie Review : Total Dhamaal Screen Par Kitna Dhamaal Machaane Mein Huyi Successful

Dhamaal Movie ki third sequel film Total Dhamaal aaj release ho chuki hai. Movie mein neat and clean comedy dikhai gayi hai jise aap apni family ke saath enjoy kar sakte hain. Haanlanki movie ki story first movie Dhamaal ki tarah hi hai jahan sabhi log uss khajaane ko dhundne mein lage rahte hain jo unhe ek aadmi marte waqt batata hai. Lekin iss bar characters audience ko hasaane mein pehle se jyada success hote nazar aate hain. Movie mein pehle ki tarah hi kaafi actor aur actress ko liya gaya hai. 2 Hours ki yeh movie total comedy aur behtar punches ke saath aapko shuru se aakhir tak hasaati hai.

Movie ke star cast ke tor par aapko Ajay Devgun, Madhuri Dixit, Anil Kapoor, Arshad Warsi, Jaaved Jaafri, Ritesh Deshmukh, Sanjay Mishra, Mahesh Manjarekar, Esha Gupta dikhai denge. Iske alawa movie mein Sonakshi Sinha ne bhi ek item song perform kiya hai, jo ki iss movie mein jaan daal deta hai.

 

Movie ki shuruaat hoti hai ek aadmi ki mout se, jahan wah marte waqt batata hai ki usne Rs 50 Crore Janakpur ke Zoo mein chupa rakhe hai. Bas iske baad sabhi logon mein uss paise ko paane ki race shuru ho jaati hai. Sabhi yeh final karte hain ki jo sabse pehle uss paise tak pahuchega paisa usi ko milega, sabhi log iss condition ko manne ke liye agree bhi ho jaate hain. Yahan sabhi ka apna apna ek group bana hua hai. Iss group mein Arshad Warsi aur Jaaved Jaafri pehle ki hi tarah bhai bane hain. Anil Kapoor aur Madhuri dixit husband aur wife ke form mein nazar aate hain. Ajay Devgan aur Sangay Mishra ka apna ek alag group hai. Iske alawa Boman Iraani bhi aapko iss movie mein dikhai dete hai jo ki Police Commisner ka role play kar rahe hain. Iss movie mein Anil Kapoor aur Madhuri Dixit ki jodi ko poore 18 saal baad badi screen par dikhaya gaya hai, jo aapko humesha non-sense comedy ke saath hasaati huyi nazar aati hai.

 

Yeh sabhi groups uss paise ko lene ke liye apne apne tarike Janakpur  Zoo jaane ki taiyari karte hain. Ab zoo mein animals na ho aisa to ho nahi sakta, isi ke chalte har kisi ko kisi na kisi animal ka saamna karna hi padta hai. Haanlanki movie mein sabhi animals animation ke through hi dikhaye gaye hain. Lekin audience ko movie mein animal wala adventure attract karta hua nazar aata hai. Kahin tiger to kahin rhinoceros ya kahin snake, har kisi ke hisse mein koi na koi animal jarur aata hai. At last ladte jhagdate huye sabhi log uss Rs 50 Crore ke tak pahuch jaate hain. Lekin kis ko milta hai wah amount iske liye aapko movie dekhni hogi.

 

Movie ke kaafi scenes ko out of india shoot kiya gaya hai. 2 Hours ki yeh comedy movie aapko kahin bhi disappoint nahi karti hain. Jahan ek scene thoda loose hota nazar aata hai wahin next scene mein ek jabardast punch dekhne aur sunne ko milta hai. Movie mein har character ne apni taraf se jaan dalne ki koshish ki hai lekin aapko sabse jyada Ajay Devgan ki comedy pasand aa sakti hai. Yeh movie weekend par total paisa vasool hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: