Movie Review : Saraghari Battle Par Based Kesi Hai Movie Kesari

Kuch samay se patriotic movies ko audience kaafi pasand kar rahi hai. Kuch issi tarah ke concept par based movie Kesari aaj release huyi hai. Yeh movie poori tarah se patriotism par based nahi hai lekin 100 saal pehle ke sammaj ki sachhai ko dikhati hai. Movie ka main attraction war hai lekin iss movie uss samay ke social issues ko bhi cover kiya gaya hai. Yeh movie history mein huyi ek important war par based hai jo ki Sikhs aur Afghaniyon ke beech huyi thi.

 

Movie ke lead role mein aapko Akshay Kumar, Parineeti Chopra, Bhagyshree, Edward Sonnenblick, Mir Sarwar, Rajpal Yadav, Suvinder Vicky dikhayi denge. Iss movie ko Anurag Singh ne direct kiya hai.

Movie ki shuruaat hoti hai ek lady se jo apne husband se bachne ke liye ghar se nikal aati hai. Uss lady ki shadi jabardasti uske husband se kar di gayi hai. Lady Afghani muslim community se belong karti hai. Husband se alag hone koi wajah se community ke log use maar dena chahte hain lekin kisi tarah Sikh officer use bacha lete hain. Yeh unke angrez boss ko acha nahi lagta hai aur wah uss Sikh ka transfer Saraghari Fort mein kar dete hain. Yeh Sikh officer Akshay Kumar ( Ishar Singh) hota hai. Saraghari aane ke baad Ishar Singh ko lagta hai ki wahaan par posted Sikh officers ke discipline aur kaam ke prati dedication utna nahi hai jitna hona chaiye. Iske baad wah sabhi officers ko discipline mein rehna sikhata hai.

 

Isi beech mein sabhi officers apni family ko yaad karte hain, Ishar Singh bhi apni wife Jiwani (Parineeti Chopra) ko yaad karta hai. Yaad karte waqt wah uss se wahaan ho rahe mudde ko bhi discuss karta hai. Yeh scene training aur discipline ke duaraan interrupted lagta hai. Iske baad Ishar Singh ko pata chlta hai ki Afghani Army unn par attack karne wali hai. Yeh khabar wah Angrez sarkar ko dete hain lekin Angrez sarkar kisi bhi tarah ki help bhejh paane mein capable nahi hai. Isliye wah sabhi Sikh officer ko uss fort se bhaag jaane ka order deti hain. Issi beech Ishar Singh ko angrez officer dwara kahi gayi ek baat yaad aati hai ki ” Tum Hindustani Kaayar ho, Isliye Gulaam ho.”

 

 

Iske baad wah apne 21 Sikh officers ko 10,000 Afghaniyon se fight karne ke liye taiyar karta hai. Sabhi Sikh taiyar ho jaate. Jiske baad movie mein fight, desh ke prati patriotism, self respect dikhai deta hai. Movie mein yeh cheej aapko jarur attract karegi ki kis tarah 21 Sikhs, 10,000 Afghaniyon ka saamna karte hain.

 

 

Movie ke highlighted point mein iski cinematography hai  jo ki open area mein shoot hone ke baad bhi beyhad neat n clean lagti hai. Dialogue aur character ka synchronization aapas mein kaafi jamta hai. Fight aur action aapko kaafi pasand aa sakte hain. Second half ke compare mein first half thoda slow lagta hai. Lekin second half ka last half hour movie ki poori kahani ko summarize karta hai. Yeh movie ladies par hone wale violence, untouchability jaise social issue ko bhi dikhati hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: