Motorola One Vision Smartphone Ki Kuch Aur Leaks Bhi Aayi Saamne, New Color Variants Mein Mil Sakta Hai Yeh Phone

Lenovo owned company Motorola ke upcoming smartphone Motorola One Vision ke leaks kaafi time se market mein bane huye hain. Haal hi mein Russian tech website Mobilelkopen se iss phone ki kuch aur details bhi saamne aayi hain. Yeh phone ek aur different color mein nazar aaya hai jismein aap ise dark blue color mein dekh sakte hain. Previous leaks mein iss phone ke dark brown color variants ko dekha jaa chuka hai.

Last leaks mein iss phone ko punch hole display ke saath dekha gaya tha jismein iss phone ke display mein left aur right mein bezels kaafi kam dikhai deti hai lekin top aur bottom bezels comparatively thodi thick dikhai deti hain. Aaj phone ke camera lens ka close look show kiya gaya hai jismein aap clearly yeh dekh sakte hain ki phone ka primary camera humein 48MP ka milne wala hai. Saath hi phone ke rear bottom panel par Android One ki marking bhi dekhi jaa sakti hai.

 

Phone mein dual rear camera setup aap dekh sakte hain jiske neeche LED flash diya gaya hai. Phone mein kisi bhi tarah ki notch nahi di gayi hai lekin left corner par apko punch hole dekhne ko mil sakta hai jaisa ki image mein visible hai. Rumors ke according yeh phone Exynos 9610 processor ke saath launch kiya jaa skata hai. Well, 15th May ko yeh phone Brazil ke Sao Paulo mein launch hone wala hai jiske baad iss phone ke final specs aur price  humare saamne aa jaayenge.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: