Motorola One Vision Jaldi Hi Ho Sakta Hai Launch, Saamne Aayi Launching Date

Motorola ka premium smartphone Motorola One Vision kaafi time se rumors mein bana hua hai. Phone ki kuch specs last month humare samane aaye thi saath hi phone ka look bhi dekha gaya tha. Lekin ab finally company ne iss phone ki launch date ko announce kar diya hai.  Company iss phone ko Brazil ke Sao Paulo mein 15th May ko announce karegi.

 

Motorola One Vision ko haal hi mein Bluetooth SIG certification site par dekha gaya tha jahaan iska model number XT1970 bataya gaya hai. Sources ki maane to company iss phone mein Samsung ka Exynos 9610 processor de sakti hai. Saath hi yeh phone 4GB aur 6GB RAM aur 128GB internal storage ke saath launch kiya jaa sakta hai. Phone ki highlight mein iska primary camera hai jo ki 48MP ka bataya jaa raha hai. Geekbench list ke through saamne aayi reports mein yeh bhi bataya gaya hai ki iss phone mein 21:9 aspect ratio wali full HD+ display mil sakti hai haalanki screen size ko le kar koi jaankari nahi hai.

 

Canaltech report ki according yeh bataya gaya tha ki yeh phone 15th May ko launch kiya jaa sakta hai. Issi ke saath iss phone ko Google ki AR core website par bhi listed dekha gaya tha. Last month saamne aayi reports mein yeh phone punch hole display ke saath dekha gaya tha. Expect kiya jaa raha hai ki iss phone mein primary camera 3D HDR,long exposur jaise feature ke saath aa sakta hai. Saath hi phone mein Dolby audio feature bhi dekhne ko mil sakta hai. Phone ke Brazil launch ke baad India launch bhi jaldi hi expect kiya jaa raha hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: