Motorola One Vision, In-Display Front Camera & 48 MP Rear Camera Ke Saath Launch Hua

Motorola One Vision ke leaks kaafi samay se hamaare saamne aa rahe hain. Ye wahi smartphone hai, jo Samsung Exynos chipset aur punch-hole selfie camera ke saath saamne aaya tha. Aaj company ne ise Brazil mein ek launch event mein introduce kiya hai.

Is Android One smartphone mein aapko 6.3 inch ki full HD+ LCD display milti hai, jo ki 21:9 aspect ratio ke saath di gayi hai. Ye Motorola ka first smartphone hai, jismein aapko Octa Core Exynos 9609 processor mil raha hai aur iski clock speed 2.2 GHz hai.

Hybrid dual SIM slot ke saath aane waale Motorola One Vision mein 48MP ka primary camera, dual LED flash light, f/1.7 aperture aur OIS ke sath milta hai, wahin secondary 5 MP ka camera f/2.2 aperture ke saath diya gaya hai. Is smartphone ke front par punch-hole camera hai aur ye 25 MP ka selfie camera f/2.0 aperture ke saath fitted hai.

Iske alawa aapko ismein rear mounted fingerprint scanner aur 15W TurboPower fast charging support ke saath 3500mAh ki battery milti hai. Ye stock Android phone, Android 9.0 Pie OS par chalta hai aur ismein sirf single storage version hi saaamne aaya hai.

4GB RAM aur 64GB inbuilt memory ke saath, Motorola One Vision ko aap Sapphire Blue & Brown colors mein purchase kar sakte hain.

Motorola One Vision 1,999 Brazilian Real (approx. 35,000 INR) ke price par, aaj se hi Brazil mein available hai. Jabki Saudi Arabia & Thailand mein iska price approx. 23,000 INR hoga. Aane waale months mein ye handset Asia aur Middle East mein bhi launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: