Motorola One Vision Ab Offline Market Mein Bhi Hoga Sale Ke Liye Available

Lenovo owned company Motorola ne June 2019 mein Motorola One Vision smartphone ko India mein launch kiya tha.  Uss samay iss phone ko sirf online hi launch kiya tha, jahaan company ne bataya tha ki yeh phone exclusively Flipkart par available hoga. Lekin haal hi mein saamne aayi news mein bataya gaya hai ki yeh phone ab offline stores mein bhi sale ke liye available hoga. Users iss phone ko aaj 16th August se offline market se purchase kar sakte hain.

Motorola One Vision mein aapko 6.3 inch ki full HD+ LCD display di gayi hai, jo ki punch hole selfie camera ke saath aati hai. Iss phone mein Samsung ka 2.2 GHz Octa-Core Exynos 9609 processor use kiya gaya hai. Phone ke rear panel par dual rear camera setup milta hai, jismein primary camera 48MP (f/1.7 aperture) ka aur secondary camera 5MP( f/2.2 aperture) ka diya gaya hai. Iske alawa front facing camera 25MP (f/2.0 aperture) ka diya gaya hai.

Phone ke rear panel par finger print scanner ka option aapko mil jaata hai. Phone mein 3500mAh ki battery di gayi hai, jo ki 15W Turbo Fast charging support ke saath aati hai. Yeh phone Sapphire Gradient aur Bronze Gradient color mein launch kiya gaya tha. Iss phone ki price Rs 19,999 rakhi gayi hai, jismein aapko 4GB RAM ke saath 128GB storage offer ki jaa rahi hai. Aapko bata dein ki company jaldi hi India mein One Series ke ek aur phone Motorola One Action ko bhi launch karne wali hai, yeh phone 23rd August ko launch hone wala hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: