Motorola Moto G7 Aur Moto One India Mein Affordable Price Par Launch Huye

Last month Motorola ne India mein Moto G7 Power ko launch kiya tha. Aaj company ne India mein Moto G7 aur Motorola One ko bhi announce kar diya hai. Moto G7 water drop notch display ke saath aata hai. Wahin agar baat karein Moto One ki to yeh phone Android One Powered phone hai. Dono hi phones ko mid range mein announce kiya gaya hai. Jio users ko inn phones ki khareed par Rs 2200 ka instant cashback diya jaaega. Yeh cashback vouchers form mein hoga.

Moto G7

Moto G7 mein 6.24 inch ki FHD+ display di gayi hai jo ki coring gorilla glass 3 protection ke saath aati hai. Iss phone ka screen aspect ratio 19.5:9 hai. Iss phone mein 1.8GHz ka Octa core Snapdragon 632 chipset use kiya gaya hai jise 14nm mobile platform par design kiya gaya hai. Issi ke saath iss phone mein aapko Adreno 506 GPU milta hai. Yeh phone single storage variant mein announce kiya gaya hai jahaan aapko 4GB RAM aur 64GB internal storage milti hai. Yeh phone 512GB tak ke memory card ko support kar sakta hai.

 

Moto G7 mein dual rear camera setup diya gaya hai jahaan 12MP ka primary camera aur 5MP ka secondary camera milta hai. Rear camera LED flash ke saath aata hai. Front mein 8MP ka camera iss phone mein diya gaya hai. Iss phone mein 3000mAh ki battery di gayi hai jo ki 15W ki turbo charging ko support karti hai. Charging ke liye iss phone mein aapko USB type-c ka support milta hai. Connectivity ke liye iss phone mein aapko dual 4G VOLTE, Wi-Fi 802.11 b/g/n, Bluetooth 4.2, GPS ka option mil jaata hai. Moto G7 mein rear mounted finger print scanner ka option bhi diya gaya hai.

Moto One

Moto One mein 5.9 inch ki HD+ display di gayi hai jo ki 18.5:9 screen aspect ratio ke saath aati hai. Iss phone mein aapko wide notch dekhne ko milti hai. Phone ki display mein 2.5D curved glass use kiya gaya hai. Iss phone mein 2 Ghz ka Octa core Snapdragon 625 processor aur graphics ke liye Adreno 506 GPU diya gaya hai.  Moto One mein aapko Android 8.1 Oreo Os milta hai.

Moto One mein 13MP ka primary camera aur 2MP ka secondary camera diya gaya hai, jo ki LED flash ke saath aata hai. Phone ke front panel par aapko 8MP ka selfie camera dekhne ko milta hai. Yeh phone P2i water repellent coating ke saath aata hai. Iss phone mein bhi aapko rear panel par finger print scanner ka option mil jaata hai. Moto One mein bhi 3000mAh capacity ki battery di gayi hai jo ki 15W ki turbo charging ko support karti hai. Wi-Fi, Bluetooth, GPS, GLONASS, dual 4G VOLTE jaise connectivity option aapko iss phone mein mil jaate hain.

 

Dono hi  phones ko company ne Ceramic Black aur Clear White color mein launch kiya hai. Moto G7 aapko Rs 16,999 mein milega aur Moto One ke liye aapko Rs 13,999 dene honge. Yeh dono hi phones online Flipkart par aur offline stores mein aaj 25th March se sale ke liye available hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: