Motorola Ke Upcoming Flagship Smartphone Mein Honge Four Rear Cameras: Complete Design Video Leak

Motorola ke Android One smartphone, Moto One Vision ki leaks aur renders saamne aa chuke hain, aur ab Motorola ke flagship smartphone ki first images @Onleaks ke through bahaar aayi hain. Cashkaro aur @onleaks ke collaboration mein Moto ke is flagship handset ki first look humein dekhne ko mili hai, jismein quad rear camera setup dekhne ko mila hai.

Is upcoming smartphone ka naam saamne nahin aaya hai, lekin di gayi images mein aap iska complete design dekh sakte hain. Iske rear panle par center mein four cameras aur unke neeche Motorola ka logo diya gaya hai. Is smartphone mein OnePlus 6T ki tarah aapko waterdrop notch dekhne ko milene waali hai aur company ke according ye handset Galaxy S10 series aur upcoming OnePlus 7 jaise smartphones ke saath compete karega.

Sources ke according is upcoming Moto handset mein 6.2 inch ki full view display aur saath hi in-display fingerprint sensor dekhne ko mil sakta hai. Is handset ka dimension 158.7 x 75 x 8.8mm hai. Iske alawa ismein USB Type-C port aur 3.5mm audio jack jaise features bhi moujood honge. 

Is smartphone ke upper frame mein aapko speakers ke saath SIM tray bhi dekhne ko milenge. Iske alawa rumors ye bhi hain ki Motorola jaldi hi apni X-series ko khatm karne waala hai, aur ye Motorola ka upcoming flagship ek new series ke under launch kiya jaa sakta hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: