FCC Certification Par Nazar Aaya Moto G7: In Specs Ke Saath Early 2019 Mein Launch Hone Ki Ummid

Lenovo ke sub-brand Motorola ki nayi series ka customers ko kaafi samay se intejaar hai. Press render ke dauraan Motorola ki nayi series Moto G7 ki kuch photos saamane aayi hai jaha ise FCC ki site par certification ke saath dekha gaya hai. FCC ki site par iss phone ka model XT-1965 diya gaya hai. leaks images ke saath saath phone ki kuch specification bhi saamane aayi hain. Aaiye jaante hain aane wale Moto G7 mein kya specification milengi aapko.

Image Source: mr.Gizmo

 

Dikhai de rahi Moto G7 ki picture mein sabse pehle aapko ek waterdrop notch display dikhai de rahi hai. Saath hi phone mein kaafi kam bezels bhi dikhai de rahi hain. Phone mein neeche ki taraf Motorola ki badging di gayi hai. Phone ke back panel par horizontal camera diya gaya hai jo bahar ki taraf ubhara hua dikhai deta hai jismein camera ke bilkul neeche aapko LED option bhi dikhai de raha hai. Camera ke neeche yaha Motorola ka logo diya gaya hai jo finger print sensor ke saath design kiya gaya hai.

Rumors ki according Moto G7 smartphone mein 6 inch ki FHD+ display milegi. Phone mein Octa-Core Snapdragon 660 Processor diya jaaega jo ki Adreno ki 512 GPU ke saath aaega. Expect kiya jaa raha hai ki yeh phone Android 9.0 Pie ke launch kiya jaaega. Iske alawa phone mein 4GB RAM aur 64GB internal storage ka option mil sakta hai jo microSD card ke support ke saath milega.

Phone ke camera ko le kar rumors hain ki Moto G7 mein 16MP ka primary camera aur 5MP ka secondary camera LED flash ke saath milega wahi front facing camera 12MP ka milega. Jaisa ki hum sab jaante hain ki Moto G6 mein 3000mAh ki battery di gayi thi jo uss phone ke liye ek minus point saabit hua tha. Expect kiya jaa raha hai Moto G7 ki battery ko thoda aur upgrade kiya jaaega jaha 3500mAh ki battery di jaaegi jo ki fast charging ko support karegi.

Abhi iss phone ki launch date disclose nahi ki gayi hai, ummid ki jaa rahi hai yeh phone December end ya fir January ke shuruaati week mein launch kiya jaaega, Aur ussi samay iss phone ki final specification aur price pata chal sakegi.

 

Source 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: