Motorola Ne Bheje 19 April Ke Launch Event Ke Invites, G6 series Expected

Moto ki upcoming series yaani ki G6 ki charcha pichle saale ne last mein hi shuru ho chuki thi, pehle ummid ye thi ki nayi Moto G6 series ke smartphone MWC 2018 mein nazar aa sakte hain, lekin aisa hua nahin. Hazaaron afvaahon ke baad ab Moto ne finally ek press event ke invites sent kiye hain jo ki 19th April ko Brazil mein hone jaa raha hai aur ummid hai ki ismein pakka nayi Moto G6 series saamne aa sakti hai.

Motorola ki ye nayi G6 series ke sabhi smartphone full view display yaani 18:9 ratio ki display ke saath aane ke aasaar hain. Saath hi ye bhi kaha jaa raha hai ki G6 aur G6 Plus mein dual rear cameras aur fingerprint scanner bhi moujood honge.

Rumors ke according Moto G6 Plus mein 5.93 inch ki FHD+ IPS display hogi jismein Snapdragon 630 chipset aa sakta hai. Ismein 6GB ki RAM aur 64GB storage aa sakti hai aur saath hi iska ek aur version 4GB RAM, 32GB internal memory ke saath bhi launch ho sakta hai.

Moto G6 Plus mein 12 + 5 MP ka dual rear camera setup diya jaa sakta hai aur front par shayad 16 MP ka snapper hoga jo LED flash light ke saath aayega.  Ismein 3200mAh ki battery aapko Turbo charging support ke saath mil sakti hai.

Ab Moto G6 ki baat karein to usmein bhi display full HD+ hi hogi lekin uska size 5.7 inch ho sakta hai. Ismein aapko Snapdragon 450 processor milne ki ummid hai jiske saath 3GB / 4GB RAM options aur 32GB / 64GB inbuilt memory options milne ki ummid hai.

Bataaya jaa raha hai ki camera specs ismein bilkul G6 Plus jaise hi honge. Lekin battery capacity 3000mAh ki hai jo Turbo Charging support ke saath hi aayegi.

In smartphones ke saath Moto G6 Play ke launch ki bhi ummid hai aur agar price ki baat karein to ye sabhi smartphones 12,000 INR se lekar 17,000 INR ke beech hi launch hone ki ummid hai. Halaanki rumors ye bhi keh rahe hain ki Brazil ke baad ye smartphones jaldi hi India bhi aa sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: