Moto G7, G7 Power, G7 Play And G7 Plus Launch Huye; Ye Hain Specs & Price

Lenovo owned Motorola ne aaj Brazil mein ek event ke dauraan Moto G7 series ke 4 smartphones ko market mein launch kar diya hai. Company ne iss series mein 4 alag alag price segment ke phones ko launch kiya hai. Company ke according yeh phones behtar battery ke saath launch kiye gaye hain. Moto G7 ki series mein shamil hone wale phones Moto G7, Moto G7 Plus, Moto G7 power aur Moto G7 play hain. Aaiye inn sabhi phones ke specification aur price ke baare mein aapko batate hain.

Moto G7

Iss phone mein aapko milti hai 6.24 inch ki full HD+ max vision display aur processing ke liye ismein Octa-core Qualcomm Snapdragon 632 processor use kiya gaya hai. Yeh phone single storage variant mein launch kiya gaya hai jahan aapko 4GB RAM ke saath 64GB inbuilt storage iss phone mein dekhne ko milti hai. Phone ki storage ko aap microSD card ki help se 128GB tak expand bhi kar sakte hain. Iss phone mein dual rear camera setup diya gaya hai jahan primary camera 12MP (f/1.8 aperture) ka aur secondary camera 5MP (f/2.2 aperture) hai. Selfie camera ke liye aapko iss phone mein 8MP (f/2.2 aperture) ka front facing camera diya gaya hai. Moto G7 ki battery capacity 3000mAh hai, jo ki 15W Turbo charging ke saath aayegi.

Moto G7 Plus

Wahin Moto G7 Plus mein bhi 6.24 inch ka max vision full HD+ display hai. Ismein aapko milta hai Qualcomm Snapdragon 636 processor jiski clock kiya gaya hai, 1.8Ghz ki speed par. Moto G7 Plus mein 64GB ki internal storage aur 4GB RAM ka option aapko milta hai, jise 512GB tak expand kiya jaa sakta hai. Iss phone mein aapko shooting ke liye 16MP ka primary camera ( f/1.7 aperture) aur secondary camera 5MP (f/2.2 aperture) ka diya gaya hai. Front facing camera ke liye aapko 12MP ka selfie camera iss phone mein milta hai. Saath hi yeh phone 3000mAh ki battery ke saath aata hai.

 

Moto G7 Power

Moto G7 Power phone Moto G7 seris ka 3rd phone hai. Iss phone mein 6.2 inch ki HD+ display di gayi hai. Yeh phone Snapdragon 632 processor ke saath aata hai. Phone mein 3GB ki RAM aur 32GB ki inbuilt storage di gayi hai. Aap iski storage ko aap expand bhi kar sakte hain. Phone mein rear single camera 12MP ka diya gaya hai. Wahin selfie camera 8MP ka milta hai. Phone ki khaasiyat yeh hai ki ismien aapko milti hai 5000mAh ki badi battery, jiske liye company claim karti hai ki yeh battery 55 hours  ka back up degi.

 

Moto G7 Play

Iss G7 series ka aakhiri phone hai Moto G7 Play. Yeh phone 5.7 inch ki HD+ max vision display ke saath aata hai. Jahan iss phone mein aapko milta hai Qualcomm Snapdragon 632 processor. Phone mein inbuilt storage 32GB ki di gayi hai, saath hi ismein 2GB RAM ka option aapko milta hai. Phone ke rear panel par aapko 13MP ka single camera diya gaya hai. Iske alawa selfie camera 8MP ka milta hai. Phone ko 3000mAh ki battery ke saath pack kiya gaya hai.

 

Finally ab baat karte hain inn sabhi phones ki launching price ki, Moto G7 aapko milta hai $299 (Rs 21,300 Approx) mein, Moto G7 Plus milta hai $299.99 (Rs. 24,500 Approx) mein. Wahin Moto G7 Power ki price rakhi gayi hai $249 (Rs 17,500 Approx) aur Moto G7 Play ki price rakhi gayi hai $199 (Rs 14,200 Approx).  Abhi yeh phones India mein launch nahi kiya gaye hain. Expect kiya jaa raha hai ki yeh phone February ke end tak India mein launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: