Moto G8 Play Affordable Price Range Mein Diwali Se Pehle Le Sakta Hai India Mein Entry

Moto G8 Plus ke baad, Brazil mein Moto G8 Play ki bhi images saamne aane lagi hain aur jaldi hi ye Moto G8 series wahaan announce bhi ho sakti hai. Saath hi khabar ye bhi hai ki Moto G8 Play, jiski leaked images aap neeche dekh sakte hain, India mein bhi bahut jaldi launch hone waala hai.

ALSO READ: Motorola E6s Smartphone Aur Motorola TV Lineup, India Mein Huye Launch

Moto G8 Play mein 6.2 inch ki HD+ waterdrop notch display hai. Moto G8 Play bhi affordable range mein hi India mein launch kiya jayega aur ismein aapko triple rear sensors dekhne ko milenge. Saath hi ismein rear mounted fingerprint sensor bhi moujood hai.

Iske alawa is handset mein 4000mAh ki battery aur front par 8 MP ka selfie camera mil sakta hai. Rumors ke according Moto G8 Play mein Octa Core MediaTek Helio P60 ya P70 ho sakta hai. Saath hi ismein 3GB aur 4GB ke RAM options aur 32GB / 64GB ke storage options aapko milne waale hain.

ALSO READ: Macro Vision Camera Ke Saath India Mein Launch Hua Motorola One Macro Smartphone

Industry sources ke according ye bataaya jaa raha hai ki Moto G8 Play India mein October 24 ko launch kiya jaa sakta hai. Is handset ki price 15-18K ke beech mein ho sakti hai.

Iske alawa ismein aapko hybrid dual SIM slot, dual 4G VoLTE support, Android 9.0 Pie OS jaise features dekhne ko milenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: