Moto G7 Series Ke Prices Leak: February 7 Ko Brazil Mein Motorola Host Karega Launch Event

Moto G7 series ki news roz badh rahi hain. Motorola ki G7 series ke smartphones ke renders bhi saamne aa chuke hain aur price bhi leak hui hain. Lekin aaj company ne February 7 ko ek launch event host karne ki announcement ki hai aur ye event Brazil mein hoga.

Maana jaa raha hai ki Brazil mein hone waale is event mein company nayui Moto G7 series launch kar sakti hain, jismein Moto G7, G7 Plus, G7 Power aur G7 Play shaamil honge.

Iske alawa Moto G7, G7 Plus aur G7 Play ke renders aur pricing details popular leakster Ishan Agarwal ne leak kiye hain. In smartphones ke images aap upar dekh sakte hain aur agar inki prices ki baat karein to, Moto G7 Play ki price EUR 149 (approx. 12,000 INR), Moto G7 Power ka price EUR 209 (approx. 17,000 INR). Iske alawa baaki smartphones ke prices abhi saamne nahin aaye hain.

Moto G7 aur G7 Plus mein waterdrop notches dekhi gayi hain aur dono mein hi dual rear cameras hain. Jabki Moto G7 Play aur G7 Power mein wider notches nazar aa rahi hain. Moto G7 and G7 Plus mein 6.24 inch ki full HD+ display hai aur Snapdragon 660 processor, G7 Play 5.7 inch ki HD+ display aur Snapdragon 632 chipset hai, G7 Power mein 6.2 inch ki HD+ display, Snapdragon 625 chipset aayega.

Moto G7 Power mein 5000mAh ki battery ke saath fast charging support hai. Jabki Moto G7 mein 3000mAh aur Moto G7 Plus mein 3500mAh ki battery ke saath Turbo charging support di gayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: