Moto G7 Series Ka First Phone – G7 Power India Mein Affordable Price Ke Saath Launch Hua

Isi month ke starting mein Brazil mein Moto G7 series ke phones ko launch karne ke baad, company ne iss series ka pehla phone aaj India mein bhi launch launch kar diya hai. Company ne India mein Moto G7 Power ko launch kiya hai, jo ki iss series mein launch kiye gaye phones mein sabse jyada battery capacity ke saath aata hai. Bhadiya specifications ke saath aane wala yeh phone ek affordable price ke saath Indian market mein utaara gaya hai. India mein yeh phone ceramic Black color mein launch kiya gaya hai.

Moto G7 Power 6.2 inch ki HD+ 2.5D curved glass display ke saath aata hai. Phone ki display ko corning gorilla glass 3 ke saath protect kiya gaya hai. Hardware mein aapko Octa- Core Snapdragon 632 processor aur Adreno 506 GPU milta hai. Phone mein aapko 4GB RAM aur 64GB internal storage ka option milta hai. Moto G7 Power ki internal storage ko aap microSD card ki help se 512GB tak expand bhi kar sakte hain. Phone dual nano sim support ke saath aata hai. Corning gorilla glsas protection ke alawa yeh phone water repellent P2i coating ke saath aata hai.

 

Phone mein 12MP (f/2.0 aperture) ka rear camera diya gaya hai jo ki LED flash ke saath milta hai. Saath hi 8MP ( f/2.2 aperture) ka front facing camera aapko iss phone mein diya gaya hai. Phone ke rear panel par Moto ke logo ke saath hi finger print scanner diya gaya hai. Yeh phone Android 9.0 (Pie) ke saath aata hai. Moto G7 Power mein 5000mAh ki battery di gayi hai jo ki 15W ki turbo charging ko support karti hai. Connectivity ke liye aapko iss phone mein dual 4G VOLTE ka support milta hai. Iske alawa phone mein dual band Wi-Fi 802.11 ,Bluetooth 4.2 LE ka support bhi diya gaya hai. Charging ke liye aapko iss phone mein USB type-c port milta hai.

 

Indian market mein yeh phone Rs 13,999 ke price tag ke saath launch kiya gaya hai. E-commerce website Flipkart ke alawa yeh phone offline market mein bhi available hoga.

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: