MWC 2018 Mein Moto Launch Kar Sakta Hai Ye 5 Smartphones

MWC 2018 mein ab kuch khaas waqt nahin bacha hai, aise mein kisi smartphone ki images leak hone ka seedha matlab yahi hai ki company us handset ko MWC mein pesh karne ki soch rahi hai. Haal hi Moto ke G5 ki images  bhi leak huin hain.

Iske baad aaj phir se Moto G6, Moto G6 Plus, G6 Play aur Moto Z3 aur Z3 Play ki images leak huin hain. Ye to saaf hai ki Motorola MWC 2018 mein latest smartphones series launch karne ki planning kar rahi hai. Saath hi ummid ye bhi hai ki in smartphones mein se jyadatar mei full view display hi hogi.

Jahaan tak specifications ki baat hai to rumors ka ye kehna hai ki Moto G6 mein 5.7 inch full HD+ 18:9 display ho sakti hai aur Snapdragon 450 processor par chalega. Ismein aapko 3GB ya 4GB ki RAM ke options mil sakte hain aur dual rear camera setup hoga. Saath hi iske front par 16 MP ka camera hoga ye bhi afvaahein hain.

Iske alawa rumors ki maanein to Moto G6 Plus mein 5.93 inch ki full view display hogi aur ismein Qualcomm Snapdragon 630 processor hoga. Ismein bhi 12 + 5 MP ka dual rear camera moujood  hoga aur 16 MP ka front camera bhi. Iske alawa ismein 3200mAh ki battery ho sakti hai aur ye IP67 certification ke saath aayega. Ye smartphone 3 colors mein available hoga.

Moto G6 Play mein 5.7 inch ki HD display hogi lekin ye full view nahin hogi. Saath hi badi 4000mAh ki battery bhi moujood hogi. Saath hi ye bhi 3 colors available hoga including Dark Charcoal, Deep Blue, and Gold.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: