Moto G6 Aur G6 Play Full View Displays Aur Android 8.0 Oreo Ke Saath India Mein Launch Huye

Motorola ne finally aaj India mein apni nayi G6 series launch ki jismein G6 aur G6 Play smartphones ko ek event ke dauraan New Delhi mein unveil kiya gaya. Moto G6 ko kewal Black color mein aap aaj raat 12 baje se kewal Amazon se kharid sakte hain aur iski kimatein 13,999 INR se shuru hongi. Wahin doosri taraf, Moto G6 Play ko Black aur Gold colors mein kewal Flipkart se kharida jaa sakta hai aur iski kimat 11,999 INR hai.

Moto G6 ki baat pehle karte hain, Ye smartphone 5.7- inch ki Full HD+ display ke saath aayega jis par Corning Gorilla Glass 3 protection di gayi hai. Is smartphone mein dual rear camera setup moujood hai jismein 12 MP ka primary camera f/1.8 aperture, LED flash light ke saath aayega aur saath hi 5 MP ka secondary shooter bhi hai. Is smartphone ka front camera 16 MP ka hai jismein f/2.0 aperture moujood hai.

Moto G6 mein 3000mAh ki battery Turbo charging support ke saath moujood hai aur ye Android 8.0 Oreo operating system par chalne wala smartphone hai. Ismein two storage options moujood hain – 3GB RAM ke saath 32GB storage aur 4GB RAM ke saath 64GB internal memory. Ye dedicated dual SIM slots ke saath aayega aur saath hi microSD card slot bhi moujood hai jo 128GB tak ke card ko support karta hai.

Moto G6 Play

Moto G6 Play mein 5.7 inch ki HD+ display di gayi hai aur ye handset 1.4 GHz Octa Core Qualcomm Snapdragon 430 processor par chalta hai jismein Adreno 505 GPU saath diya gaya hai. Is smartphone mein 3GB ki RAM aur 32GB ki storage hai jise aap microSD card dwara 128GB talk aur bhi badha sakte hain.

G6 Play mein 13 MP ka auto focus rear shooter moujood hai jo LED flash light aur f/2.0 aperture ke saath aayega. Is dual SIM smartphone ka front camera 8 MP ka hai aur usmein low light conditions ko dhyaan mein rakhte huye selfie flash bhi diya gaya hai. Iski battery capacity 4000mAh ki hai aur saath hi Turbo fast charging support bhi diya gaya hai.

Moto G6 aur G6 Play, dono hi Android 8.0 Oreo par chalne waale smartphones hai aur dono mein rear panel par fingerprint scanner bhi moujood hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: