Most Awaited Smartphones Of 2019 : Aapko Kaun Se Smartphone Ka Intezaar Hai ?

Agar aap new smartphone lene ka man bana rahe hain to thoda rukiye. Kyun ki aane wale inn phones ko dekhne ke baad aapko apni purchasing par regret na karein. Iss saal kuch bhadiya phones India mein launch hone wale hain jinka humein kaafi samay se intejaar hai. Unn phones ki list mein kuch budget phones, kuch mid range phone aur kuch high-end flagship phones included hain. Inmein se kuch phones aise hain jo bahar ki countries mein launch ho chuke hain, bus unka India mein launch hona baaki hai, jabki kuch ka global launch jaldi hi expect kiya jaa raha hai. In most awaited smartphones mein se, kuch mein apko 5G connectivity support bhi milne waala hai.

 

Samsung Galaxy M30

Expect kiya jaa raha hai ki yeh phone February ke last week mein India mein launch kiya jaa sakta hai. Samsung Galaxy M30 ke specification ki baat karein to aapko iss phone mein 6.3 inch ki FHD+ Super AMOLED screen mil sakti hai. Yeh phone water drop notch display ke saath India mein aa sakta hai. Samsung Galaxy M30 mein aapko 13MP ka rear camera aur 16MP ka front camera dekhne ko mil sakta hai. Iss phone ki Indian market mein expected launching price Rs. 19, 990 ho sakti hai.

Samsung Galaxy S10

Samsung ki taraf se aane wala yeh most awaited phone hai. Yeh phone company 5G network ke saath 20th Feb ko launch karne waali hai, jiske kuch samay baad hi ye India mein bhi entry lega. Abhi tak saamne aayi rumors mein yeh phone in-display front camera ke saath dekha gaya hai. Iske alawa rear mein aapko triple camera setup dekhne ko mil sakta hai. Expect kiya jaa raha hai ki yeh phone March end tak India mein bhi launch kiya jaa sakta hai. Issi ke saath ye Snapdragon 855 ke sath aane wala Samsung ka pehla smartphone hoga. Is series mein Galaxy S10+ aur S10E / S10 Lite bhi shaamio honge.

Huawei P30/ P30 Pro

Huawei ki taraf humein jaldi hi Huawei P30 aur P30 Pro dekhne ko milega. Ye phones March end mein Paris mein launch kiye jaayenge. Saath hi inmein four rear cameras aane ke rumors hain. Wahin front par shayad aapko inmein se kisi ek mein waterdrop nootch dekhne ko mile.

Nokia 9 Pure view

HMD Global ne abhi tak iss phone ke India launch ko le kar koi khaas announcement nahi kiya hai. Lekin iska global launch 24th February ko hone waala hai. Wahin iske rumors ne expectations bhi kaafi badha diye hain. Penta cameras ke saath aane waala ye world ka first smartphone hai. Specification ki baat karein to yeh phone 2K display aur HDR10 support ke saath launch ho sakta hai. Wahin iss smartphone ke camera ko le kar audience mein pehle se hi kaafi excitement bani huyi hai.

Reliance Jio Phone 3

Jio ka yeh 3rd phone hone wala hai aur iske alawa Jio ki taraf se aane wala yeh pehla smartphone hoga. Rumors ki according yeh phone Android ke lite version Android Go ke saath launch kiya jaa sakta hai. Saath hi yeh phone basic features aur sensors ke saath market mein aa sakta hai. Lekin jaisa ki company har baar phone ko kaafi kam effective price ke saath launch karti hai, aise mein Jio phone 3 ka effective price kaafi interesting hoga.

Sony Xperia XA3

Sony XA3 ke rumors bhi is time mein kaafi nazar aa rahe hain. Maana jaa raha hai ki ye handset MWC 2019 mein launch kiya jayega. Wahin ismein 21:9 display, Snapdragon 660 AIE chipset, 6GB RAM, dual rear cameras, aur Android 9.0 Pie OS dekhne ko mil sakta hai. Well, design bhale bhi achha ho, lekin specs kuch khaas yahaan par nahin dikh rahe hain.

Xiaomi Redmi Note 7 

China mein yeh phone already kaafi successful hai aur ab Twitter par Manu Kumar Jain ke posts se ye bhi saaf hai ki ye India mein isi month mein aane waala hai. Iss phone ki highlight iska camera hai. Iss mein 48+ 5 MP ke dual rear cameras hain aur 13MP ka front facing camera diya gaya hai. Iske alawa yeh phone 4000mAh ki battery ke saath aata hai. Redmi Note 7 ke saath company Redmi Note 7 Pro Aur Redmi Go ko bhi launch kar sakti hai.

ALSO READ: Xiaomi Ne Confirm Kiya Redmi Note 7 Ka India Launch

LG V50 ThinQ

LG ka flagship smartphone LG V50 ThinQ iss month MWC 2019 mein launch kiya jaa sakta hai. Jahan iski expected launch date 24th February batayi gayi hai. LG ka yeh phone 5G enable smartphone hai, jismein Snapdragon 855 chipset ka use kiya jayega. Heating problem ko resolve karne ke liye company ne ismein water-cooled cooling unit vapor chamber diya hai. Saath hi expect kiya jaa raha hai ki ye  6 inch display aur 4000mAh battery ke saath launch hoga.

Xiaomi Poco F2

Xiaomi Poco F1 ke baad Xiaomi ke fans ko Poco F2 phone ka intejaar bahut hi besabri se hai. Is smartphone ke kisi bhi specs ke baare mein koi information nahin hai, lekin Poco F2 mein Snapdragon 855 chipset ho sakta hai. Kuch samay pehle is handset ke Geekbench score ki ek leak saamne aayi thi, lekin shayad wo fake thi, kyunki abhi tak iske launch ki koi khabar nahi hai. Maana jaa raha hai ki Q2 mein ye handset India mein launch ho sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: