Microsoft Surface Pro 6, Surface Studio 2 Aur First Surface Headphones, U.S. Market Mein Announce Kiye

Tuesday ko New York city me organize kiye gaye event mein Microsoft ne Surface series ke kuch naye product launch kiye hain, jisme Surface Pro 6, Surface Laptop 2, Surface Studio 2 or Surface Headphone included hain. Lekin rumors mein bane huye Surface Phone ka iss event mein koi jikar nahi hai. Lekin Microsoft ne Surface Headphones ke sath apne customers ko ek surprise jarur diya hai. Aaiye inn sabhi products ke baare mein thoda jaante hain.

Surface Pro 6

Laptop aur tablet ka behatreen combination hai Surface Pro 6. Matte black color me launch kiya gaya yah Surface Pro 6 dekhne mein bahut hi attractive hai. Black color ke alawa platinum, cobalt blue, burgundy color mein bhi isse launch kiya gaya hai. Intel 8th generation core processor ke sath iss Surface Pro 6 ko launch kiya gaya hai sath hi diya gaya hai 8MP ka autofocus HD camera.

Surface Pro 6 mein 12.3 inch ki wide screen ke sath screen quality ko enhance kiya gaya hai, jo ki iske predecessor se 75% jyada efficient hai. Long time work ke liye is 2-in-1 laptop ki battery ko bhi improve kiya gaya hai jismein apko 13.5 hours ka battery back up mil jata hai.

Storage ki baat ki jaaye to Surface Pro 6, 16GB RAM aur 1TB SSD support ke sath aata hai jis ka price $899 hai. Indian market me iski availability ko lekar abhi koi information nayi aayi hai lekin US market mein yah 16th October se milna shuru ho jaega.

Surface Laptop 2

Design ko almost same rakhte huye hi Surface Laptop 2 ko launch kiya gaya hai. Surface Laptop 2 me 13.5 inch ki screen di gayi hai, jis ka resolution 2256×1504 hai. Is device mein 14.5 hours ki battery life, single charge mein milti hai, jiske baad aap full day non-stop iska use kar sakte hain. Surface Laptop 2, 8GB aur 16GB ke variant me available hai jiski price $999 hai.

Surface Studio 2

Surface Studio 2, Microsoft ki most creative device hai. Surface Studio 2 ko bhadiya graphic performance achieve karne ke liye design kiya gaya hai jis ke liye is mein aapko 28 inch ki display milti hai. Surface Studio 2 ke preorder start ho gaye hai jo ki 16 October se milna start ho jaaenge. Surafce Studio 2 ki price $3499 rakhi gayi hai.

Surface Headphone

Microsoft ne in sabhi products ke saath apne first headphones – Surface headphones ko bhi global market mein launch kiya hai. In-built Cortana yah headphones bhadiya music experience ke liye design kiye gaye hain. Over ear wireless Bluetooth yah headphones, auto noise cancellation support ke sath aate hain. Surface headphones ko iss tarah se design kiya gaya hai ki,  jaise hi aap inhein apne ears se hataate ya lagaate hain to yah automatically audio ko play, pause kar dete hai.

Inn headphones me 14 hours ka playback time hai aur ye 2 hours me full charge ho jaate hain. Price ki baat ki jaaye to is Surface Headphone ki US market price $349 hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: