Microsoft Ne Introduce Ki Do Foldable Devices, Surface Neo Aur Surface Duo Android Smartphone

Microsoft ne kal apne event mein do foldable device Microsoft Surface Duo Android smartphone aur Microsoft Surface Neo (Laptop) device ko launch kiya hai. Yeh donon devices foldable screen ke saath aati hai. Issi ke saath company ne multi posture dual screen devices ke liye new Windows 10X ko bhi introduce kiya hai.

Microsoft Surface Neo 

Microsoft Surface Neo mein aapko two 9 inch ki connected screen milti hai, jo ki 360 degree full friction hinges ke saath aati hai. Poori tarah se open hone par iss device mein aapko 13 inch display milti hai.  Iss device mein, iss segment mein use ki gayi most thinnest LCD di gayi hai. Microsoft Surface Neo newly released Windows 10X operating system par kaam karta hai. Yeh device ek tarah ka dual screen laptop hai. Iss laptop designed device mein Intel ka Lakefield processor use kiya gaya hai.

Charging ke liye aapko iss laptop mein USB type-C port diya gaya hai. Microsoft Surface hardware ke chief Panos Panay ne bataya ki iss device mein aap Magnetic Stylus aur Magnetic Keyboard ka use kar sakte hain, jo ki second screen ke fold hone par work karta hai. User ek hi application ko donon screen par ya fir do different applications ko donon different screen par use kar sakte hain.

Inn sabhi specs ke alawa device se related koi bhi jaankari nahi di gayi hai. Iss device ki price ko bhi company ne abhi reveal nahi kiya hai. Baat karein availability ki to yeh device Holiday 2020 se sale ke liye available hogi, jo ki next year November aur December mein start hoga.

Microsoft Surface Duo Android Smartphone 

Microsoft Surface Neo ke alawa company ne Microsoft Surface Duo Android smartphone ko bhi introduce kiya hai. Yeh device Android platform par kaam karti hai. Iss Android smartphone mein aapko two paper thin size 5.6 inch ki screen milti hai, jo ki poori tarah se open hone par 8.3 inch ki tablet display ban jaati hai. Phone mein 360 degree hinges diye gaye hain, jis se aap iss smartphone ko alag alag angles par use kar sakte hain. Phone mein Google Play store diya gaya hai, saath hi ismein aapko Microsoft Launcher bhi milta hai.

Yeh smartphone bhi Windows 10X ko support karta hai. Iss phone mein aapko front camera milta hai. Yeh smartphone calling support ke saath aata hai. Iss phone mein bhi aap magnetic stylus ko use kar sakte hain. Well, iss device ki price details bhi company ne share nahi ki hai. Lekin yeh smartphone bhi Holiday 2020 se hi sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: