Microsoft Ne Announce Kiye Multiple Devices, Surface Laptop 3, Surface Pro 7 & Surface Pro X

Microsoft ne kal apne New York mein organised Hardware event mein Microsoft Surface Duo smartphone aur Microsoft Surface Neo ke alawa Microsoft Surface Laptop 3, Microsoft Surface Pro X aur Microsoft Surface Pro 7 devices ko bhi announce kiya hai. Surface Laptop 3 mein aapko do variants milte hain, jismein aapko 13.5 inch aur 15 inch size milte hain.

Microsoft Laptop 3 Specifications 

13.5 inch model mein aapko 2256X1504 Pixel sense 10 point multi touch display milti hai. Iss laptop mein 10th generation Intel core i5-1035G7 aur other variant mein i7-1065G7 processor ka use kiya gaya hai.  Graphics ke liye aapko ismein Iris Plus Grphics 950 GPU milta hai.. Iss laptop mein aapko 8GB aur 16GB RAM ke saath 128GB/256GB/512GB/1TB SSD storage milti hai. Ismein M.2 NVME removable SSD ka use kiya gaya hai. Yeh laptop Windows 10 operating system ke saath aata hai.

15 inch model mein aapko 2496X1664 pixels Sense 10 Point multi touch display di gayi hai. Iss model mein aapko AMD Ryzen 5 3580 mobile processor diya gaya hai. Graphics ke liye ismein Radeon Vega 9 Graphics Microsoft Surface Edition ka use kiya gaya hai. Iske other variant mein aapko AMD Ryzen 7 3780U mobile processor milta hai, iske saath aapko Radeon RX Vega 11 Graphics Microsoft Surface Edition milta hai. Yeh laptop 8GB/16GB/32GB RAM  ke saath 128GB/256GB/512GB removable M.2 NVME SSD ke saath aata hai.

Inn laptops mein 720p ka HD front facing camera diya gaya hai. Sabhi laptops mein aapko 11.5 hours ki battery life milti hai. Yeh laptop one hours mein 80% tak fast charge hota hai. Microsoft Surface 3 13.5 inch variant ki price $999 (~Rs 71,140) se aur 15 inch variant ki price $1199 (~Rs 85,350) se shuru hoti hai. 15 inch variant mein aapko Platinum aur Matte Black color option mil jaate hain, wahin 13.5 inch variant mein aapko Cobalt aur Sandstone color milte hain. Yeh laptops selected market mein pre-order ke liye available hai.

 

Microsoft Surface Pro 7 Specifications

Microsoft Surface Pro 7 ek laptop cum tablet device hai, jismein 12.3 inch Pixel sense display di gayi hai. Ismein aapko Surface Pen ka support milta hai. Iss laptop cum tablet device mein aapko Quad core 10th generation core i7-1065G7 processor diya gaya hai. Iske Core i3 model mein aapko Intel UHD graphics milte hain, iske alawa Core i7 model mein Intel Iris Plus Graphics milte hain.

Tablet ke front mein aapko 5MP ka front facing camera aur 8MP ka rear camera diya gaya hai. Yeh donon hi camera 1080p par full HD video recording kar sakte hain. Iss device mein aapko 13 hours ki battery life milti hai. Microsoft Surface pro 7 Matte Black aur Platinum colors mein available hai. Iski starting price $749 (~Rs 53,330) rakhi gayi hai. Surface Pro 7 pre-order ke liye already available hai, jahaan iski shipping kuch selected market mein 22nd October se shuru ki jaayegi.

MicroSoft Surface Pro X Specifications

Microsoft Surface Pro X,  13 inch ki Pixel Sense display ke saath aata hai, jiska screen resolution 2880X1920 hai. Yeh device Surface Pen support karti hai. Ismein Microsoft SQ1 processor ka use kiya gaya hai. Graphics ke liye aapko ismein Adreno 685 iGPU milta hai. Storage ke liye yeh device 16GB tak RAM aur 512GB tak SSD storage ka support karti hai. Iss 2-in-1 device mein aapko 10MP ka rear camera milta hai jo ki 4K video recording kar sakta hai. Iske alawa front mein aapko 5MP ka camera diya gaya hai, jo ki 1080p quality mein FHD video record kar sakta hai. Iss device ki battery life 13 hours milti hai. Surface Pro X pre-order ke liye already available hai. Iske sale 5th November se shuru ki jaayegi. Iss device ki starting price $999 (~Rs 71,130) rakhi gayi hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: