Micromax Yu Ace Launched in India: Specifications, Price And Availability

Domestic manufacturers, Micromax ne aaj India mein apna naya entry-level smartphone launch kiya hai – Yu Ace. Last year launch huye YUREKA 2 ke baad company ne aaj lagbhag 1 saal baad market mein Yu Ace ke saath waapasi ki hai.

Ye smartphone Flipkart exclusive hoga aur iske base version ka price 5,999 INR hai. Ise Black, Blue aur Gold colors mein September 6 se flash sales ke through kharida jaa sakta hai. Iske alawa company ne iska 3GB RAM + 32GB storage variant bhi announce kiya hai, lekin uski price aur availability abhi confirm nahin ki gayi.

Yu Ace mein 5.4 inch ki HD+ display, 18:9 aspect ratio ke saath di gayi hai. Ismein 13 MP ka auto focus rear camera, LED flash light ke saath moujood hai aur 5 MP ka frontal sensor bhi diya gaya hai. Is budget smartphone ki highlight hai iski 4000mAh ki battery, jo is price range mein ek achha feature hai.

Iske alawa Yu Ace mein Quad Core MediaTek MT6739 chipset diya gaya hai aur ismein 2GB ki RAM + 16GB ki internal memory hai. Security purposes ko dekhte huye iske rear panel par fingerprint sensor aur saath hi face unlock feature bhi moujood hai.

Yu Ace mein dual SIM support + dedicated microSD card slot moujood hain. Halaanki abhi ye smartphone Android 8.1 Oreo ke saath announce kiya gaya hai, lekin company ke according, November mein isemin Android Pie update aa jayega. Iske alawa aapko ismein 4G VoLTE, Wi-Fi, Bluetooth, GPS, microUSB port, aur 3.5mm audio jack jaise sabhi features bhi milte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: