Micromax Sub-brand YU 30th August Ko Big Battery Ke Saath Launch Karega- YU Ace

Micromax ki sub-brand YU, phir se ek baar smartphone market mein enter hone jaa rahi hai. Kaafi samay se smartphone launches se door rahi is company ne aaj apne naye smartphone ke launch ke invites send kiye hain. In invite teasers mein YU ne smartphone ka naam bhi confirm kiya hai – YU Ace.

YU Ace 30th of August ko Delhi / NCR mein ek launch event ke dauraan introduce kiya jayega. Is invite mein company ne tag line di hai, “Join us for the reveal of the Game Changer”. Isi ke saath teasers ne ye bhi saaf kiya hai ki YU Ace big battery ke saath launch kiye jayega.

Filhaal is smartphone ki aur koi specs abhi tak reveal nahin ki gayi hai, lekin expected hai ki ismein full view display hogi aur ye Android 8.1 Oreo OS par chalega. Saath hi company ka last smartphone YUREKA 2 Flipkart exclusive tha, to ummid hai ki YU Ace bhi online exclusive hi hoga.

YU ki taraf se last smartphone YUREKA 2 tha, jo lagbhag 1 saal pehle launch kiya gaya tha, tab se abhi tak company ka koi smartphone saamne nahin aaya hai. YUREKA 2 mein 5.5-inch ki FHD display, Octa Core Snapdragon 625 processor, 4GB ki RAM aur 64GB ki inbuilt memory thi. Saath hi usmein fingerprint scanner, 3930mAh ki battery, 16 MP rear camera aur 8 MP front camera jaise features the.

YUREKA 2 ka price 11,999 INR tha, expected hai ki YU Ace ko bhi full HD+, display, big battery, Android Oreo jaise features ke saath affordable price mein market mein utaara jaaye.

YU Ace ke detailed features smartphone ke launch hote hi hum aapko zaroor bataayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: