Micromax Ne Launch Kiye Budget Friendly Android Go Edition Smartphones: Bharat 4 Diwali Edition Aur Bharat 5 Infinity Edition

Micromax ne India mein aaj Android Oreo (Go Edition) based 2 smartphones launch kiye hain – Bharat 4 Diwali Edition aur Bharat 5 infinity Edition. Dono hi smartphones pocket friendly hain aur 3rd November se Reliance Jio launchj offers ke saath available honge. Aaiye jaante hain inn dono phones ke detailed specifications aur prices.

Micromax Bharat 5 Infinity Edition

Bharat 5 Infinity Edition mein aapko 5 inch ki display di gayi hai jo ki 18:9 aspect ratio ke sath aati hai. Phone mein aapko Android Oreo 8.1 ( Go Edition ) milta hai. Phone mein aapko 5MP ka rear camera aur 5MP ka front facing camera milta hai, jaha dono hi cameras mein LED flash diya gaya hai. Phone mein aapko 1GB RAM aur 16GB ki internal storage milti hai jise aap microSD card ki help se 32GB tak expand kar sakte hain.

Connectivity ke liye iss phone mein dual sim ka option diya gaya hai jo ki dual 4G VOLTE ke support ke sath aata hai. iske alawa phone mein Wi-Fi 802.11 b/g/n, Bluetooth 4.0, GPS ka option bhi diya gaya hai. Bharat 5 Infinity Edition mein 5000mAh ki battery di gayi hai. Audio output ke liye phone mein 3.5mm headphone jack milta hai. Budget range ke iss mein aapko face unlock ka option bhi diya gaya hai, sath hi ismein fingerprint sensor bhi milta hai.

Micromax Bharat 4 Diwali Edition

Bharat 4 Diwali Edition phone mein 5 inch ki 2.5D curved glass display di gayi hai, jo ki 1280×720 pixels ke sath aati hai. Yeh phone bhi Android Oreo 8.1 (Go Edition ) ke sath aata hai. Phone mein 5MP ka rear camera with LED flash aur front facing camera bhi LED flash ke sath diya gaya hai. Bharat 4 Diwali Edition mein 1 GB RAM aur 8 GB ROM ka option milta hai jise aap microSD card ki help se 32GB tak bada sakte hain.

 

Bharat 4 Diwali Edition mein dual sim support diya gaya hai. Sath hi phone mein Wi-Fi, Bluetooth, GPS ka support bhi milta hai. Iss phone mein 2000mAh ki battery di gayi hai. Audio support ke liye yaha aapko 3.5mm headphone jack milta hai.

Price ki baat ki jaaye to Micromax Bharat 5 Infinity Edition ki keemat Rs 5,899 rakhi gayi hai jo ki already offline stores mein sale ke liye available hai. Wahin Micromax Bharat 4 Diwali Edition ki keemat Rs 4,249 hai jo ki 3rd November se sale ke liye offline stores mein available ho jaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: