Micromax Ne Notch Ke Saath Launch Kiye Naye Entry-Level N-Series Smartphones, Jaaniye Kya Hai Specification Aur Price

Indian smartphone company Micromax ne aaj Delhi mein organise ek event mein apne 2 naye N-series ke smartphones ko reveal kiya. Jaisa ki hum sabhi jaante hain ki Micromax apne budget phones ke liye jaana jaata hai, wahin iss event mein bhi company ne apne dono hi phones ko budget range mein launch kiya hai. Budget range ke alawa inn phones ki khaasiyat inn mein di gayi wide notch display hai. Saath hi inn phones mein di gayi artificial intelligence efficiency bhi inn phones ki highlights hai. Aaiye jaante hain inn dono phones ke specification aur details ke baare mein.

Micromax Infinity N11

Infinity N11 ke specification ki baat ki jaaye to iss phone mein aapko 6.2 inch ki HD+ display di gayi hai. Phone mein MediaTek ka Helio P22 processor diya gaya hai. Saath hi yeh phone 32GB internal storage ke saath aur 2GB RAM ke saath aata hai. Phone ke optics ki baat ki jaaye to yeh phone dual rear camera setup ke saath launch kiya gaay hai. Jahan primary camera 13MP ka aur secondary camera 5MP ka diya gaya hai. Saath hi front facing camera 8MP ka milta hai. Infinity N11 mein aapko Android 8.1 Oreo diya gaya hai. Iske alawa phone mein aapko wide notch display dekhne ko milti hai.

Micromax Infinity N12

Infinity N12 mein diye gaye features aur specification ki baat ki jaaye to iss phone mein bhi aapko 6.2 inch ki HD+ display di gayi hai. Jahan screen aspect ratio 18.9:9 diya gaya hai. Iske alawa phone mein aapko 13Mp ka primary camera aur 5MP ka secondary camera diya gaya hai. Phone ke front camera ki baat ki jaaye to 16MP ka front facing camera aapko iss phone mein dekhne ko milta hai. Infinity N12 mein bhi aapko MediaTek ka Helio P22 processor milta hai. Saath hi iss phone mein bhi aapko wide notch display dekhne ko milegi. Yeh phone 32GB internal storage aur 3GB RAM ke support ke saath aata hai. Iske alawa yeh phone 3 color variants mein launch kiya gaya hai jahan aapko Blue lagoon, Viola black aur Velvet red color option milte hain.

Inn sabhi specification ke alawa inn dono phones mein aapko 4G VOLTE, Bluetooth, Wi-Fi ka support milta hai. Saath hi inn dono phones mein aapko 3.5mm headphone jack ka option bhi milega. Infinity N11 aur N12 dono hi phones mein aapko 4000mAh ki battery di gayi hai. Dono hi phones mein aapko finger print sensor aur face unlock ka support bhi diya gaya hai.

Micromax Infinity N11 ki price Indian market mein Rs 8,999 aur Infinity N12 ki price Rs 9,999 rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: