Technology

Notch Display Aur IR Camera Ke Saath Launch Ho Sakta Hai Mi 7

1355
0

Xiaomi Mi 7 wo smartphone hai, jisko lekar is samay saari duniya mein charcha ho rahi hai. Pichle saal se hi iske rumors bhi aane lage the aur mana jaa raha tha ki is saal ye Xiaomi ka pehla flagship smartphone hoga jise MWC mein utara jayega, lekin aisa hua nahin kyunki is smartphone ko lekar company ki taraf se deri ki gayi kyunki wo is handset mein kuch zaroori changes karna chahte the aur iski jagah li Mi MIX 2S ne, jo kuch hi dinon mein launch hone wala hai.

Filhaal Xiaomi Mi 7 ko lekar ek aur naya feature saamne aaya hai. Ek firmware file ke anusaar ye handset iPhone X jaise notch design ek saath aayega aur saath hi ismein badi battery bhi hogi. Mi 7 xiaomi ka second phone hoga jismein Snapdragon 845 chipset hoga aur saath hi ismein iPhone X ki hi tarah True Depth camera ke saath Face ID sensor aane ki bhi charchaayein hain.

Is smartphone ke Tru Depth camera jo ki notch par hi moujood hoga, mein 3D facial recognition technology bhi di jayegi. Darasal, is baat ka khulasa isliye hua hai kyonki MIUI camera, MIUI System aur settings jaisi aap mein notch code ke kaaran status baar ki height, battery indicator, notifications bar jaisi cheezon mein zaroori changes kiye gaye hain.

Saath hi coding se ye bhi pata chalta hai ki lock screen ke saath MIUI Keyguard app bhi hogi aur ek OpenIR camera naam ka naya method bhi nazar aa raha hai jo shayad face Unlock feature ke liye use kiya gaya hai.

Mi 7 ke other features mein dual rear cameras, full HD+ full View display, Corning Gorilla Glass, Android 8.0 Oreo aur 6GB / 8GB RAM jaise specs shaamil hain. Saath hi Mi 7 ki battery capacity bhi 4480mAh ho sakti hai jo fast charging ke saath aayegi.

Via

Facebook Comments
Tagged:
Samsung-Galaxy-J7-2018-1-1024x772
Technology
Tech News Of the Day – 8th Of June 2018
Lenovo-Z5-1-1024x531
Technology
Lenovo Z5, 6.2- inch 19:9 Display Aur 6GB RAM Ke Saath 1299 Yuan Ki Kimat Par Announce Hua
feature - Copy (2)
Technology
Tech News of The Day – 22nd June 2018
Pooja Choudhary

Leave a Reply

Your email address will not be published.

%d bloggers like this: