Mi Mix 3 Launch Hua: Slider Cameras, 10GB RAM, AMOLED Display And Much More

Xiaomi ke jis smartphone ki charcha aap itne samay se sunte aa rahe hain, wo finally aaj launch ho hi gaya hai.

Ji Haan ! aap sahi soch rahe hain. Hum Mi Mix 3 ki hi baat kar rahe hain.

Mid to premium range mein is smartphone ke five variants launch kiye hain, jinki list aap article ke end mein dekh paayenge.

Well, full specs se pehle aapko bataate hain Mi Mix 3 ke highlights.

  • Mi Mix 3 ka high end version 10GB RAM ke saath launch kiya gaya hai.
  • Is smartphone mein aapko without any notch, truly full view bezel-less display di gayi hai.
  • Front camera ke liye notch na dete huye, company ne slider mechanism ka istemaal kiya hai, jaise aap Oppo ke Find X mein dekh hi chuke hain.
  • Mi Mix 3 mein aapko 10W Qi wireless charging support milta hai.

Ye to hain, is smartphone ke kuch khaas features, aaiye ab zara detailed specs bhi jaan lete hain.

Mi Mix 3 mein flagship chipset Octa Core Snapdragon 845 hai. Saath hi ismein dual nano SIM slot milta hai, lekin microSD card slot nahin hai. Waise dekha jaaye to, iske 256GB storage ke saath aane waale versions mein aapko expansion slot ki zaroorat bhi nahin hai.

Mi Mix 3 mein 6.39 inch ki full HD+ AMOLED display hai, jo 19.5:9 aspect ratio aur 103.8% NTSC Color Gamut ke saath aayegi. Is smartphone mein 12 MP ke two rear cameras hain, jo ki f/1.8 aperture (main), f/2.4 aperture (secondary), dual tone LED flash, Sony IMX363 sensor (main), Samsung S5K3M3+ sensor (secondary) aur 2x optical zoom jaise features ke saath aate hain.

Is handset mein aapko front par bhi 24 MP ka main camera, jo ki  Super Pixel low-light tech ke saath aayega aur 2 MP ka secondary camera bhi hai, jismein customized CRI selfie light aur DOF camera support hoga. Mi Mix 3 ka dual front camera setup smartphone ke top edge se slider mechanism ke saath tabhi bahaar aayega, jab aap front camera app open karenge.

Saath hi is smartphone mein aap dono SIM slots mein 4G SIM ka istemaal kar sakte hain, yaani ki ye dual 4G VoLTE support ke saath aayegi. Ismein 3850mAh ki battery hai, jo fast charging aur wireless charging, dono ko support karti hai.

Mi Mix 3 ke Storage Variants Aur Inki Pricing Details

  • 6GB RAM + 128GB storage – 3299 yuan (approx. 35,000 INR)
  • 8GB RAM + 128GB storage – 3599 yuan (approx. 38,000 INR)
  • 8GB RAM + 256GB storage – 3999 yuan (approx. 42,000 INR)
  • 10GB RAM + 256GB storage ‘The Palace Museum’ Special Edition – 4999 yuan (approx. 53,000 INR)

Is smartphone ko Onyx Black, Jade Green, and Sapphire Blue colors mein launch kiya gaya hai. Jabki iske special edition mein rear panel par, 24K gold-coated bronze statue laga hua hai. Iski sale China mein 1st November se start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: