Xiaomi Ne India Mein Launch Kiya Budget TV: Mi LED TV 4A Pro 32-inch

Xiaomi ne aaj India mein Redmi Note 7 aur Note 7 pro ke saath hi Mi LED TV 4A Pro 32″ launch kar diya hai. Iss saal Indian market mein launch kiye jaane wala yeh Xiaomi ka 3rd TV hai.  Iss se pehle company ne Mi Tv 4X Pro 55′ aur Mi Tv 4 Pro 43″ ko launch kiya tha. Xioami ki taraf se aane wala yeh pehla TV hai jo Google Assistant ko support karta hai jiske liye aapko mi remote se voice command dena hoga. Iske liye aapko TV se remote ko bluetooth ke through connect karna hoga.

 

Mi LED TV 4A Pro 32 ” ka weight 4Kgs hai. Iss TV mein 32” inch ka HD ready 60Hz display diya gaya hai jiska viewing angle 178 degree hai. Mi LED TV 4A Pro mein 10W ke  2 speaker diye gaye hain. Company ke according iss TV mein 7,00,000 hours se jyada ka content diya gaya hai. Yeh Tv in-built Chromecast aur Youtube app ke saath aata hai. Connectivity ke liye iss TV mein 2 USB 2.0 port, 3 HDMI port, 1 ethernet port , AV port, 3.5mm headphone jack aur Wi-Fi 802.11 b/g/n ka option milta hai. Iss Tv mein latest Amlogic 64 bit processor use kiya gaya hai. Iske alawa iss TV mein 1GB RAM aur 8GB eMMC internal memory milti hai.

 

Iss TV mein Mi patchwall based Android 8.1 Oreo OS milta hai. Yeh Mi LED TV 4A Pro 32” 7 March 2019 se Flipkart, Mi.com aur Mi home par sale ke liye available hoga. Iss TV ki Indian market mein price Rs 12,999 rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: