Mi Fan Festival Sale Shuru Hone Wali Hai 4th April Se, Tik Tok Challenge Mein Jeet Sakte Hain Mi Vouchers

Xiaomi ki Mi Fan Festival Sale 4th April se shuru hone wali hai. Yeh sale 3 days ke available hogi jo 4, 5 aur 6th April ko rahegi. Iss sale mein company exciting offers to de hi rahi hai saath hi kuch products ko Rs 1 Flash Sale mein bhi rakha gaya hai jo 2PM par start hogi. Iss flash sale mein sound bar se le kar LED TV tak Rs 1 mein khareed sakte hain. Iske alawa Mystery Box mein aap kaafi products le sakte hain jiski sale price Rs 99 hai lekin iss Mystery Box mein aapko Rs 2447 tak ke products mil sakte hai. Iske alawa Xiaomi ki sabhi devices par Rs 50 se le kar Rs 6,000 tak ka discount dekhne ko milega.

 

Inn sab ke alawa Xiaomi ne iss sale ko exciting banane ke liye kuch contest bhi organizes kiye hain jinmein Mi Fun & Furious challenge, Tik Tok Challenge bhi include hain. Tik Tok Challenge mein participate kar ke aap Redmi Note 7 Ke liye F-code aur Rs 100 tak ke vouchers jeet sakte hain. Last month launch ki gayi Mi Pay payment service ke through pay kar ke bhi aap Redmi Note 7 aur Mi LED TV jeet sakte hai. Saath hi exchange offer ke dauraan aap Xiaomi ke kisi bhi old smartphone ko de kar new Xiaomi smartphone low price par le sakte hain. Itna hi nahi aap apne Xiaomi account par login kar ke friends ko invite kar sakte hain jis se aapko Mi VIP Club ke amazing offers bhi dekhne ko milenge. Iss Mi VIP club mein Mobikwik, Zoomcar, Easydinner, Cleartrip ke vouchers aapko milenge.

 

Sabse pehle Mi Fan Festival Sale mein milne wale smartphones ki baat kar lete hain. Iss sale mein India ka no. 1 smartphone Poco F1  (6GB/128GB) Rs 20,999 ki price par milega. Iske alawa Redmi Note 6 Pro aapko Rs 10,999 mein diya jaaega. Redmi Note 5 Pro ke 4GB/64GB aur 6GB/64GB dono hi variant par Rs 2,000 ka off diya jaa raha hai. Jiske baad 4GB/64GB variant apako Rs 10,999 mein aur 6GB/64GB variant Rs 11,999 mein milega.  Redmi 6 Pro ke base variant 3GB/32GB par bhi company Rs 1,000 ka discount de rahi hai jiske baad yeh phone Rs 7,999 mein milega aur iss phone ka 4GB/64GB variant Rs 9,999 mein available hoga. Issi ke saath Redmi Y2 aur Redmi 6 ke 3GB/32GB variants aapko Rs 7,999 aur Rs 6,999 mein milenge.

 

 

Smartphones ke alawa company Mi LED TV 4 Pro(55”) aapko Rs 45,999 mein offer kar rahi hai. Mi Band HRX jiski regular price Rs 1,199 hai, wah aapko Rs 999 mein milega. Saath hi Mi Purifier 2S par bhi Rs 500 ka discount diya jaa raha hai jiske baad aapko iss purifier ke liye Rs 8,499 dene honge. Inn sabhi products ke alawa bhi basic devices jaise speakers, headphones, charger, USB charging cable par bhi company discounted price offer kar rahi hai.

 

Mobikwik ke through payment karne par Rs 2,000 ke products  par 15% instant super cashback diya jaaega. HDFC Bank users ko 5% ka instant discount milega saath hi HDFC bank users ke liye selected products par EMI option bhi diya jaaega. Inn sab ke alawa 4th April ko 12PM flash sale mein Redmi Note 7, Redmi Note 7 Pro aur Redmi Go bhi available honge.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: