Mi 6X vs Mi A2 Comparison: China version Mi 6X Se Kuch Different Hai Iska Global Version Mi A2

China ki leading company ne isi saal April mein Mi 6X launch kiya jiski kimatein China mein 1599 yuan (approx. 17,000 INR) se shuru hoti hain aur ab isi smartphone ka global version Mi A2, Spain mein launch kiya gaya. Jaldi hi ye smartphone India mein bhi launch hone wala hai. Halaanki Mi A2, Mi 6X ka global variant hai aur inke lagbhag sabhi features bhi ek jaise hi hain, lekin phir bhi in dono smartphones mein kuch differences dekhe jaa sakte hain.

Aaiye jaante hain ki Mi A2 aur Mi 6X mein kaun se specs same hain aur kya difference hain.

Design and Build Quality

Mi 6X aur Mi A2 ka design bilkul similar hai. Dono smartphones ek slim aur elegant design ke saath launch kiye gaye hain. Front par 5.99-inch ki display hai jiske side bezels slim hai aur top &  bottom bezels thode thick hai. Saath hi display ke upar, proximity sensor, selfie camera, earpiece aur selfie flash light di gayi, jo achhe se fitted hai. Iske alawa rear panel par vertically designed dual rear cameras hain jo upper left corner mein fit kiye gaye hain, jabki  fingerprint scanner center mein hai aur neeche Mi ki branding hai. Volume rocker aur power button right edge par hai aur left edge par SIM tray ki jagah hai.

Overall, rounded edges ke saath Mi 6X aur Mi A2 dono hi compact aur easy-to-hold hain. Aur dekhne mein bhi dono devices decent lagte hain.

Mi 6X ko Black, Blue, Red, Gold aur Rose Gold colors mein launch kiya gaya hai, jabki Mi A2 Blue, Black aur Gold colors mein hi available hoga.

Display

Mi 6X aur Mi A2 ki displays bhi same hain. Inmein 5.99 inch ki LTPS LCD display, full HD+ resolution ke saath di gayi hai. Ise protect karne ke liye is par Corning Gorilla Glass 3 layer bhi hai. Display ke viewing angles bhi achhe hain aur colors bhi vibrant hain. Ye ek notchless display hai aur colors, brightness jaisi cheezon ko lekar hopefully aapko koi shikayat nahin hogi.

Hardware and Software

Dono hi smartphones mein Octa Core Qualcomm Snapdragon 660 processor hai, jinmein four cores ki clock speed 1.8 GHz hai aur other four Kryo cores ki clock speed 2.2 GHz hai. Saath hi Adreno 512 GPU diya gaya hai. Lekin iske software mein ek bada difference hai. Mi 6X, jo ki kewal China mein available hai, ismein Android 8.1 Oreo par MIUI 10 custom UI bhi moujood hai. Jabki iska global version Mi A2, ek Android One smartphone hai, jismein aapko stock Android milta hai.

Camera

Mi 6X ho ya Mi A2, dono mein 12 + 20 MP ka dual rear camera setup hai. 12 MP ka primary camera f/1.75 aperture, LED flash light aur Sony IMX486 sensor ke saath aata hai. 20 MP ka secondary camera bhi f/1.75 aperture aur Sony IMX486 sensors ke saath diya gaya hai.

Iske alawa 20 MP ka front camera bhi moujood hai jiske saath soft LED flash light bhi di gayi hai aur Sony IMX376 sensor hai.

Battery

Mi 6X aur Mi A2 mein 3010mAh ki battery hai. Lekin Mi 6X mein aapko Qualcomm ka Quick Charge 3.0 support milta hai aur India mein aane waale Mi A2 mein aapko Qualcomm Quick Charge 4.0 fast charging support milne wala hai. Halaanki Mi A2 ke saath aapko 5V / 2A ka charger hi milega, kyonki Xiaomi sirf India ke liye is handset ke saath Quick Charge 4.0 support karne wala fast charger dene ka plan nahin bana rahi. Quick Charge 4.0 support ke saath fast charging paane ke liye aapko separate charger lena hoga.

Storage

Mi 6X mein 6GB ki RAM ke saath 64GB / 128GB storage options hain aur 4GB RAM ke saath 64GB ROM version bhi launch kiya gaya hai.

Doosri taraf, Mi A2 mein 4GB RAM ke saath 32GB / 64GB storage options hain aur iske alawa third variant 6GB RAM aur 128GB inbuilt memory ke saath aayega. Lekin India mein iska 4GB RAM + 32GB ROM option launch nahin kiya jayega. Kewal 4GB RAM + 64GB ROM aur 6GB RAM + 128GB ROM version hi launch honge aur inke prices August 8, launch event ke dauraan hi pata chal payenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: