Mi 11T & 11T Pro ke Specs Leak: SD 888 chip, 120W fast charging aur bhi bahut kuch

Xiaomi ki Mi 10T ke successors ki taiyaari bhi shayad company kar rahi hai. Mi 11T aur Mi 11T Pro, do smartphones ka naam saamne aa raha hai. Rumors hain ki ye mid-range phones honge jo high-end specs ke saath September mein launch kiye jaa sakte hain.

GizmoChina ki ek nayi report ke according Mi 11T line up par company kaam kar rahi hai aur inhein 23rd September ko launch kiya jayega. Ek aur leak jo YouTube channel ke through aayi hai, uske according Mi 11T Pro mein Snapdragon 888 chip aur 5000mAh ki battery hogi. Yahaan tak ki is smartphone ke pricing details bhi internet par nazar aa rahe hain.

Xiaomi Mi 11T Pro

Pehle aapko Pro moniker ke baare mein bataate hain. Xiaomi Mi 11T Pro mein is baar company LCD nahin balki OLED panek ka use kar sakti hai. Ismein 120Hz display, SD888 chip, aur 5000mAh ki battery aa sakti hai. Bataya jaa raha hai ki ismein 120W fast charging support mil sakta hai. Well! ye ek big news hai.

Company Xiaomi Mi 11T Pro ko approx. 42,000 INR se 49,000 INR ke beech launch ho sakta hai. Dekhiye Mi 10T ke mukaable kaafi achhe specs hain, lekin price bhi badh raha hai.

Xiaomi Mi 11T

Mi 11T mein bhi 120Hz display aane ki khabar hai, lekin ye OLED hogi ya nahin, ye kaha nahin jaa sakta hai. Iske chipset ko lekar bhi koi information nahin hai, but ismein MediaTek ke kisi chip ka use kiya jaa sakta hai. Haan! camera module ko lekar rumors aa rahe hain ki ismein 64MP ka primary rear camera hoga, ek ultra wide angle camera aur ek tele-macro sensor bhi ismein aayega.

Iski pricing details ko lekar koi leak abhi nahin aayi hai.

Aapko kya lagta hai, kya ye smartphone India mein aayenge aur agar aayenge to price kitni ho sakti hai? Comments aap share kar sakte hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: