Mi 10 & Mi 10 Pro Ke Specs & Prices Launch Se Pehle Leak Huye

Mi 10 series ki charcha kaafi samay se hum aur aap sunte aa rahe hain. Lekin ab saamne aa rahi khabarein ye bata rahin hai ki Mi 10 aur Mi 10 Pro isi month yaani ki January 2020 mein hi launch honge.

Mi 10 series ko company ke Co-founder Lin Bin ne Qualcomm Tech Summit 2019 ke dauraan hi confirm kiya tha. Iske baad kuch leaks aur saamne aayi, jinke according Pro model latest Snapdragon 865 chipset ke saath launch hoga. Aaj Mi 10 series ko lekar jo fresh leaks saamne aayi hain, unmein iske price aur specs bhi nazar aa rahe hain.

ALSO READ: 2019 Ke Phones Ki Best Smartphone Technologies

Aaj saamne aayi leak, Chinese microblogging website Weibo ke through hai, jismein Mi 10 series ke specs aur prices bhi reveal huye hain.

Mi 10

Ye to hum jaante hi hain ki Mi 10 series new Octa core chipset Snapdragon 865 ke saath aayenge. Mi 10 mein 90Hz refresh rate ke saath 6.5 inch ki AMOLED display hogi. Leaks ke according ismein aapko quad rear camera setup ho sakta hai, jismein primary sensor latest Sony IMX686 sensor ke saath aayenge, secondary 20MP ka ultra wide angle lens hoga aur third 12MP ka telephoto lens hoga. Last mein ek depth sensor bhi moujood hai.

Iske alawa ismein 4500mAh ki battery aapko 40W fast charging ke saath milegi. Saath hi ismein 30W wireless charging aur 10W reverse wireless charging support bhi hoga.

Mi 10 mein three storage variants honge, jinke price 3999 yuan tak ho sakte hain. Yaani ki high-end variant ki kimat approx. 41,000 INR tak ho sakti hai.

Mi 10 Pro

Mi 10 Pro mein bhi Snapdragon 865 hi aayege, lekin ismein aapko 5G support bhi milega. Is handset mein Mi 10 ke mukaable aapko aur bhi jyada fast charging mil sakti hai. Leaks ke according ismein 66W fast charging aur 40W wireless charging ho sakti hai. Wahin rumors ka ye bhi kehna hai ki ismein primary camera 108MP ka hoga.

Well, ab aate hain iske prices par. Ismein bhi three storage options hain, lekin RAM sabhi mein 12GB ki hai. Sabhi storage options ke rumored prices aap neeche dekh sakte hain.

  • 128GB – 3799 yuan (approx. 39,000 INR)
  • 256GB – 4099 yuan (approx. 42,000 INR)
  • 512GB – 4499 yuan (approx. 46,000 INR)

Well, leaked specs to kaafi powerful hain, lekin ab ye kitne sahi hain, ye to launch ke samay hi pata chal sakega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: