50+ Internet Connected Features Aur AI Voice Assistance Ke Saath, India Mein Launch Huyi MG Hector SUV

MG (Morris Garages) Motors ki first car MG Hector SUV India mein launch kar di gayi hai. Yeh apne segment ki pehli internet connected SUV hai. Iss SUV ki highlight iske features ke alawa iski price bhi hai. MG Hector ki starting price Rs 12.18 Lakhs rakhi gayi hai, iska alawa iska top variant Rs 16.88 Lakhs mein purchase kiya jaa skata hai. Yeh ex-Showroom price hai. Iss car ko 4 different variant Style, Super, Smart aur Sharp mein launch kiya gaya hai. Ismein Style base variant hai aur Sharp top variant hai.

 

Iss car mein 50+ internet connected features diye gaye hain. Company ne iss car ko teen variant mein launch kiya hai, jismein petrol variant, diesel variant aur 48V hybrid variant include hain. Hector mein 2.0 litre ka diesel engine diya gaya hai jo ki 170hp ki power aur 350Nm ki torque generate karta hai. Iske petrol variant mein 1.5 litre ka turbo engine diya gaya hai jo 143hp ki power aur 250Nm ki torque produce karta hai. Hybrid variant mein 6 speed manual transmission ka option aapko milega iske alawa petrol aur diesel engine mein 6 speed manual transmission standard diya gaya hai. Petrol engine mein aapko 6 speed dual clutch automatic transmission system ka option bhi mil jaata hai.

MG Motors ki according iss SUV ke hybrid model se aapko 15.81 km/l ki mileage milegi. Iske diesel engine ki fuel efficiency 17.41 km/l hai. Iske alawa non-hybrid petrol engine ke manual transmission model se aap 14.16 km/l ki fuel efficiency aur automatic model se 13.96 km/l ki fuel efficiency achieve kar sakte hain.

 

Baat karein iss SUV ke features ki to ismein 10.4 inch ka touch screen infotainment system diya gaya hai. Yeh infotainment system Android Auto aur Apple Carplay ko support karta hai. Iske alawa yeh infotainment system embedded Airtel sim card, pre-loaded apps aur artificial intelligence powered voice assist se less hai. Ismein aapko in-built apps bhi di gayi hai. Iss car mein 17 inch ke alloy wheel ko use kiya gaya hai. Iske alawa iss car ke top variant mein aapko 360° camera, 4 side adjustable co-driver seat, panoramic sunroof, automatic head lamp aur 8 colors mood lighting jaise features diye gaye hain.

 

Safety ke liye MG Hector ke Smart variant mein 4 airbags aur Sharp variant mein 6 airbags diye hain. Iske alawa base variant mein dual front airbags, EBD, ABS, ESP, rear parking sensor aur traction control jaise safety features mil jaate hain. Iss car mein i-Smart naam ka ek connectivity system diya gaya hai jiske jariye aap apne phone ya kisi output device ko iss se connect kar sakte hain. Iss car mein aapko Burgundy Red Metallic, Starry Black, Aurora Silver, Glaze Red, aur Candy White color option dekhne ko milenge.

Finally ab iss SUV car ki price par aate hain. Iss SUV ke diesel variant mein aapko sabhi model Style, Smart, Super aur Sharp miilenge. Diesel Style variant ki price Rs 13,18,000 hai, Diesel Super variant ki price Rs 14,18,000 hai, Diesel Smart variant ki price Rs 15,48,000 aur Diesel sharp variant ki keemat Rs 16,88,000 hai. Iske alawa Petrol Hybrid manual transmission (MT) model mein aapko base variant Style nahi diya gaya hai. Ismein hybrid MT Super model ki price Rs 13,58,000, hybrid MT Smart ki price Rs 14,68,000 aur hybrid MT Sharp ki price Rs 15,88,000 rakhi gayi hai. Issi ke saath Smart aur Sharp model mein aapko iss car ka Petrol automatic variant milega jahaan Petrol DCT Smart ki price Rs 15,28,000 aur Petrol DCT Sharp ki price Rs 16,78,000 rakhi gayi hai. Iske alawa MG Hector ke Petrol manual transmission Style variant ki price Rs 12,18,000 aur Super variant ki price Rs 12,88,000 rakhi gayi hai. Yeh dono lowest model hain.

 

Company ne iss SUV car ki pre-booking 4th June se shuru kar di thi. Iss car ki delivery company July ke first week se karna shuru karegi. Company ne yeh bhi bataya ki iss car ki 10,000+ pre-booking already li jaa chuki hain. Issi ke saath “MG Shield” ownership package ko bhi iske saath launch kiya hai jismein owner ko 5 years tak road side assistance free diya jaayega aur pehli 5 scheduled service par kisi bhi tarah ka labour charge nahi liya jaayega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: