Next Year Launch Hoga MediaTek Ka 5G Modem, India Mein 5G Aane Mein Abhi Waqt Baaki

Jahaan companies ab 5G ki taraf badh rahin hain, wahaan chipset maker MediaTek ke Chief Financial Officer ka kehna hai ki, “company abhi India mein 4G segment mein hi focus karegi, jabki Globally, ab MediaTek ka dhyaan aur investment 5G segment par hi hoga.

David Ku, jo ki MediaTek ke CFO hai, unhone ye bhi kaha hai ki, “ 4G is samay definitely India ke liye hai, halaanki 5G bhi India mein aayega, lekin agle saal nahin. Unka kehna hai ki, Chipset manufacturer, MediaTek, agle 2 ya 3 years ke baad hi 5G ko India mein lekar aayenge.

Is samay MediaTek ke CFO ke according, sabse pehle unki priority Automotive segment hai jismein Application-Specific Integrated Circuit sabse pehle aata hai.

Is saal aur agle saal yaani ki 2019 mein 5G ko China, U.S. Europe aur Japan mein hi expand kiya jayega. Iske alawa company kuch hi din pehle 5 June ko ye bhi announce kar chuki hai ki agle saal wp apna pehla 5G modem Helio M70 launch karegi aur iske kuch partners honge – Nokia, NTT DoCoMo aur Huawei.

Saath hi David Ku ne ye bhi bataya hai ki India se unka jo bhi revenue aata hai wo total revenue ka lagbhag 15 percent hai, lekin growth rate achha hai aur is samay India mein unka market share one-third hai aur wo jaldi hi aage aane ki koshish bhi kar rahe hain.

Iske alawa company ne ye bhi bataya hai ki China mein bhi wo abhi tak achha hi kar rahe hain, lekin unka profit share is saal pehle ke mukaable kam hua hai aur company ka kehna hai ki wo wapas 40-45 percent share ke saath apne puraane mukaam par wapas aayenge aura age bhi usi level ko China mein maintain rakhenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: