MediaTek Ne Reveal Kiya Helio P90 Ka Teaser Video Aur Image, Groundbreaking AI Capabilities Ke Saath Is Date Ko Kiya Jayega Launch

MediaTek ne haal hi mein India mein RealMe U1 phone ke saath Mediatek Helio P70 processor ko market mein utaara hai, jise MediaTek Helio P60 chipset ke mukaable 20% faster bataaya jaa raha hai. Aur rumors ab ye hain ki end of the year mein, MediaTek apne next chipset P80 ko laane wala hai.

Well, ye khabar aadhi sach hai, poori nahin ! Aaiye jaante hain, kaise.

MediaTek December mein apna next chipset launch karne wala hai, lekin ye P80 nahin, balki Helio P90 hoga. Company ne aaj Twitter par ek video teaser share kiya hai aur bataaya hai ki wah apna next flagship processor market mein laane wala hai, jise naam diya gaya hai MediaTek Helio P90 chipset.

Teaser image mein dikhai de rahe chipset ke neeche ek tag line mention ki gayi hai jaha likha hai This Chip Changes Everything. 

Mention ki gayi tag line se expect kiya jaa raha hai ki yeh processor abhi tak ka MediaTek ki taraf se aane wale processor mein sabse bhadiya processor hone wala hai. Iss processor ko advanced efficiency aur Groundbreaking AI capabilities ke saath launch kiya jaaega. Jaha ise poori tarah se artificial intelligence par bhadiya tarah se perform karne ke liye design kiya gaya hai.

Agar hum benchmarking scores dekhein, to kuch din pehle leak hui ek image mein Snapdragon 8150 ke baad, MediaTek P80 ka naam nazar aaya tha, jo ki second best tha, lekin yahaan company ne ise skip karke, MediaTek Helio P90 ka launch announce kar diya hai.

MediaTek P90 ki latest reports ko le kar bataya jaa raha hai ki yeh processor China ki Shenzhen city mein ek event ke duaraan 13th December ko launch kiya jaaega. Wahi MediaTek Ke General Manager TL Lee ne yeh bhi bataya hai iss processor ke saath aane wali device ko 2019 ke second quarter mein reveal kar diya jaaega.

Jaha MediaTek Helio P60 ko mid-range phone mein use kiya jaata raha hai, saath hi P70 ke saath aane wala phone RealMe U1 bhi ek lower mid-range phone hi hai. To kya MediaTek P90 high-end phones mein use kiya jaaega ?

MediaTek P70 ko 12nm FinFET platform par design kiya gaya tha, lekin P90 ko le kar abhi tak iss tarah ki koi bhi update company ne nahi di hai. Lekin expect kiya jaa raha hai ki power efficiency ko upgrade karne ke liye iss chipset ko 10nm ya 7nm FinFET platform par design kiya jaa sakta hai.

Jaha P80 ki performance Snapdragon 8150 se sirf ek step down thi, wahi ho sakta hai ki yeh processor Snapdragon 8150 ke scores ko bhi beat kar de. Well, MediaTek ab kya launch karta hai, iske liye kuch din ka intezaar to karna hoga.

Basically company ne bataya hai ki yeh processor powerful processing aur groundbreaking AI support ke liye design kiya gaya hai. Official launch ke baad yeh dekhna interesting rahega ki MediaTek ka yeh processor MediaTek P80 ke AI benchmark score ko break kar paaega ya nahi. Aur iss chipset ke saath kis device ko launch kiya jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: