MediaTek Kompanio 1300T chipset, tablets aur Chromebooks ke liye announce hua

Smartphones mein ab tak aapne kaafi saare MediaTek ke chipsets dekhe hain. Lekin MediaTek chipsets aur bhi kayi products mein istemaal kiye jaate hain. Is brand ka naya flagship chipset aur Kompanio 820 ka successor Kompanio Dimensity 1300T bhi officially aaj launch ho gaya hai aur ye smartphones mein nahin balki Chromebooks aur tablets mei nazar aayega.

MediaTek Kompanio 1300T chipset ko company ne powerful performance aur 5G connectivity ke saath introduce kiya hai. Ye aapko coming months mein tablets aur 2-in-1 laptops mein dikhega. Ismein HDR10+ aur 4K HDR video recording technology ka support bhi milega.

Ye naya processor 6nm architecture par based hai aur ismein octa core CPU hai. Iske 4 Arm Cortex-A78 cores hain aur baaki 4 efficiency focused Arm Cortex-A55 cores hain. Saath mein 16GB tak ka RAM support, UFS 3.1 storage support aur Mali-G77 MC9 GPU diya gaya hai.

Ye naya chipset 2.5K tak ki displays ko 120 Hz refresh rate aur HDR10+ jaise features ke saath support karta hai. Satah hi ismein MediaTek MiraVision technology bhi displays ke liye hai.

Iske alawa ismein 108 megapixl cameras, 4K 60fps video recording support diya gaya hai. Ismein aapko 4K HDR video recording ka bhi option milega aur saath hi ultra-low-power voice on wakeup (VoW) function bhi hoga

Connectivity ke liye saare 5G Sub-6GHz frequency bands, 2CC Carrier Aggregation (2CC CA), Bluetooth 5.2, and Wi-Fi 6 support shaamil hai.

Is chipset ki availability ko lekar company ka kehna hai ki iske saath aane wala naya tablet kisi bhi samay Q3 mein hi announce kiya jaa sakta hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: