MediaTek Helio P90 Chipset Announce Hua: Ye Hain Iski Khaas Baatein

Haal hi mein Realme U1 mein MediaTek P70 chipset dekha gaya aur iske kuch hi samay baad, aaj company ne MediaTek Helio P90 chipset announce kar diya hai. Company ke according MediaTek Helio P90 chipset ke saath aane waale smartphones, 2019 ke first quarter se hi market mein available honge.

Aaiye jaante hain ki chipset ke baare mein.

  • MediaTek Helio P90 12nm TSMC FinFET technology par based hai aur ismein aapko improved AI ke saath APU 2.0 diya gaya hai, jo aapke smartphone par multiple AI apps ko manage karta hai. Ye 1127GMACs generate karta hai, aur iske dwara ye aapko Helio P60 aur P70 ke mukaable 4.6 times better performance de sakta hai.
  • MediaTek Helio P90 mein six ARM Cortex-A55 cores, 2.0 GHz ki clock speed ke saath aayenge, jabki two ARM Cortex-A75 cores ki clock speed 2.2 GHz hai.
  • Ismein graphics ke liye aapko IMG PowerVR GM 9446 GPU milta hai, jo apne predecessor ke mukaable 15% better performer hai.
  • Ye chipset 48 MP tak ke rear camera ko support kar sakta hai, ya phir 16+24 MP setup ko. Ismein aapko 480fps slow motion video support bhi mil jaata hai.

  • Iske alawa, jahaan MediaTek Helio P70 mein aapko 20:9 ki full HD+ display ka support milta hai, wahin MediaTek Helio P90 mein 2520 x 1080 resolution ke saath 21:9 full HD+ display ka support moujood hai.
  • Is Octa Core chipset mein dual 4G VoLTE, Bluetooth 5.0, Wi-Fi 802.11 a/b/g/n/ac, Beidou + Galileo connectivity options bh moujood hain.
  • MediaTek Helio P90 chipset real-time mein multiple people ke actions ko track aur analyze karne ki capability rakhta hai. Saath hi aap yahaan AR avatars ko bhi use kar sakenge, aur low-ligh photography mein bhi ye kaafi improvements lekar aaya hai.

Iske alawa sabhi basic apps aur other things ka support to aapko yahaan par mil hi jayega. Maana jaa raha hai ki is chipset ke saath first smartphone ko 2019 MWC mein launch kiya jaa sakta hai. Filhaal ye processor abhi production mein hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: