MediaTek Helio P22 Chipset (Vivo Y83) VS Snapdragon 625 (Redmi Note 5) VS Snapdragon 450 (Honor 7C)

Vivo ka budget range mein notch display ke saath aane wala Vivo Y83 pichle mahine hi India mein launch hua hai. Is smartphone ki kimat 14,990 INR hai aur leading online aur offline retailer par poori country mein available hai.

Is smartphone ke saath aapko box mein ek back cover, earphone, SIM ejector PIN, 5V / 2A charger, aur micro USB to USB cable bhi milta hai. Vivo Y83 mein 6.22-inch ki HD+ 19:9 IPS 2.5D curved glass display hai. Ismein 13 MP ka rear camera aur 8 MP ka front camera bhi moujood hai aur dono mein LED flash light bhi di gayi hai.

Vivo Y83 ki battery capacity 3260mAh ki hai aur saath hi ye FunTouch OS 4.0 par chalta hai jo android 8.1 Oreo par based hai. Is handset mein 4GB ki RAM aur 32GB ki internal storage di gayi hai.

Iske alawa iski khaas baat ye hai ki ye haal hi mein launch huye MediaTek Helio P22 processor ke saath market mein aaya hai. Lekin naye processor ke saath launch hone ke baad logon ke mann mein ye sawaal zaroor hai ki ye naya processor kitna fast aur smooth performance deta hai.

Is naye chipset MediaTek Helio P22 ki actual performance jaanne ke liye humne ise aur processors se compare kiya aur result kuch aisa saamne aaya hai.

Vivo Y83 mein aaye naye MediaTek Helio P22 processor ko humne, isi saal ke shuruaat mein launch huye Redmi Note 5 ke Qualcomm Snapdragon 625 processor se aur Honor 7C mein aane waale Snapdragon 450 chipset se compare kiya hai.

Sabse pehli inki AnTuTu benchmarking dekhein to Helio P22 ka score 78211 hai, Snapdragon 625 ka AnTuTu score 76134 hai aur Honor 7C ke Snapdragon 450 chipset ko 66618 ka score mila hai.

Iske alawa inke Geekbench scores mein bhi kaafi difference nazar aaya hai – Vivo Y83 ka single core score 843 hai, Redmi Note 5 ka score 858 hai aur Honor 7c ka single-core score 781 hai.

Iske baad inka battery test karne ke liye humne full brightness ke saath youtube se ek 10 minute ka video play kiya jiske baad Vivo Y83 ki battery 3260mAh ki battery hai jismein se kewal 3 percent kam hui, Redmi Note 5 ki battery 4000mAh ki hai jismein se 4 percent less hui aur Honor 7C ki 3000mAh ki battery mein se 5 percent battery is 10 minute ke video mein chali gayi.

Saath hi performance test karne ke liye Sharmaji Technical team dwara ismein ek game chalaane ki koshish ki gayi, jise same time par download kiya gaya aur sabse pehle ye Redmi Note 5 mein load hua, uske baad Vivo Y83 ke MediaTek Helio P22 chipset ne ise load kiya aur aakhie mein Honor 7C mein. Halaanki teenon mein kaafi kam difference aaya hai.

Iske alawa in teenon processors (MediaTek Helio P22, Qualcomm Snapdragon 625 aur Snapdragon 450) ki performance ko test karne ke liye ek video editing test bhi kiya hai jismein jyada battery aur resources ki zaroorat hoti hai. Is test ko poora karne ke liye Vivo Y83 ne 48.27 seconds liye, wahin Redmi Note 5 ne ismein 52.12 seconds ka time liya aur Honor 7C ne is test ko 50.50 seconds mein poora kiya.

Halaanki Redmi Note 5 ki performance par uska software bhi asar daal raha hai kyunki abhi tak ye Android 7.0 Nougat par hi chal raha hai, jabki Vivo Y83 aur Honor 7C mein Android 8.1 Oreo moujood hai, jo performance ko increase karta hai.

Saath hi MediaTek Helio P22 processor jo ki May mein hi launch hua hai, aapko dual 4G VoLTE support bhi offer karta hai, yaani ki aap apne phone mein two 4G SIMs use kar sakte hain.

Overall, result ye hai ki Vivo Y83 ka MediaTek Helio P22 chipset baakiyon se compare karne par unse better hi prove ho raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: