Mars Project Par Based Film Mission Mangal Aaj Ho Chuki Hai Release

Raksha Bandhan aur Independence Day ke mouke par aaj movie Mission Mangal release ho chuki hai. Yeh movie poori tarah se patriotism ko show nahi karti hai, lekin ise dekh kar aapko desh ke liye kuch kar gujarne ki feeling jarur aati hai. Yeh movie 24th September 2014 ko complete huye Mars project par banayi gayi hai. Iss Mars project ko poora karne mein naa sirf male scientist balki kaafi female scientist ka bhi contribution raha tha. Jise yeh movie poori tarah se justify bhi karti hai. Aapko movie mein male scientist ke compare mein female scientist jyada dikhayi deti hain.

Mission Mangal movie ke lead role mein aapko Akshay Kumar ke alawa Vidya Balan, Kriti Kulhari, Taapasee Pannu, Sonakshi Sinha, Sharman Joshi, Nitya Menon dikhayi dete hain. Iss movie ke saath hi director Jagan Shakti ne movie direction mein debut kiya hai. 

Movie ki kahani ek satellite launch se shuru hoti hai, jismein Akshay kumar (Rakesh) ko GSLV 38 launch karne ki responsibility di jaati hai, jiske chalte yeh mission fail ho jaata hai. Iska baad unka transfer kaafi samay se band pade huye Mission Mangal project ke liye kar diya jaata hai. Jahaan unki mulakaat Vidhya Baalan (Tara) se hoti hai, jo uss project par already kaafi time se kaam kar rahi hai. Ek din gharelu tarah se Tara iss project ka ek model form prepare karti hai, jo ki Akshay Kumar ko kaafi pasand aata hai. Wah iss par kaam karne ke liye, senior team ko ise dikhate hain. Jiske baad iss par kaam shuru hota hai. Akshay Kumar ke senior iss kaam mein hamesha hi unki firki lete rehte hain, saath hi unhe discourage bhi kartte hain. Lekin inn sabhi situations ke bawjood kis tarah Akshay Kumar apni team ki help se iss Mars project ko complete karte hain, yeh aapko iss movie mein dekhne ko milta hai. Itna hi nahi, movie sirf technical terms ke ass-pass nahi ghumati hai. Beech beech mein yah bhi dikhaya gaya hai ki ek scientist ko apni family se bhi apne har kaam mein support chaiye hota hai.

Mission Mangal movie, apne strong screen play ke saath aapko bore nahi karti hai. Jab satellite ko launch kiya jaana hota hai, tab aap khud ko iss movie se kaafi connect kar lete hain. Movie ke kayi locations aur kuch projects ko recreate kiya gaya hai, jismien lagbhag 8 Crore ka kharcha aaya hai. Movie ke kaafi scenes ko VFX aur computer graphics ke through design kiya gaya hai, jihne easily samajh paana muskil hai. first half ke compare mein second half jyada strong nazar aata hai. Iss movie ka climax iska plus point hai.  Movie ke ek point par Akshay Kumar, NASA se aaye ek scientist ki wajah se khud fail mehshus karte hain, jiske baad movie mein twist aana shuru hota hai.

Ek technical term  based movie hone ke bawjood aap iss movie ko beyhad aashaani se samajh sakte hain. ISRO based project hone ke baad bhi movie ki languages ko kaafi simple rakha gaya hai, jis se audience iss project aur movie ki languages ko easily samajh paaye.  Finally, aap iss movie ko iss weekend apni family aur friends ke saath enjoy kar sakte hain. Haalanki weekend mein aapko Batla House jaisi patriotic movie bhi theaters mein lagi milegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: