‘Made By Google’ Event Mein Google Ke Smart Products Google Home Hub Aur Pixel Slate Launch Huye

Finally Google ne apne sabhi most awaited products ko ‘Made by Google’ event mein launch kar diya hai jismein na sirf Google Pixel 3 aur 3 XL phone include hain balki Google Home Hub, Google Pixel Slate bhi included hain. Iss event mein phone ke sath sath ye new smart devices bhi major attraction bani rahi hain. Pixel 3 aur Pixel 3 XL ke baare mein to hum aapko bata hi chuke hain, aaiye ab jaante hain Google Home Hub aur Pixel Slate ke baare mein.

Google Pixel Slate

Google Pixel Slate ki baat ki jaaye to yeh Chrome OS based ek tablet hai jo ki ek perfect multimedia device hai. Ismein apko bhadiya sharp screen aur front mein stereo speakers milte hain. Ismein 12.3 inch ki LCD display hai aur 8MP ke rear aur front camera diye gaye hain. Iske alawa iss Pixel Slate camera mein AI based portrait mode ka option bhi diya gaya hai, jo aapko attraction mein rakh kar, perfect blur background ke saath shots offer kar sakta hai.

Pixel Slate ko 8th Gen Intel Core m3 / Core i5 / Core i7 processors ke saath launch kiya gaya hai. Ismein three storage variants available hain – 4GB RAM ke saath 32GB SSD, 8GB RAM ke saath 64GB / 128GB SSD options, 16GB RAM ke saath 256GB SSD storage. Saath hi ismein 48Wh battery hai, jo 12 hours ka battery backup deti hai.

Google Pixel Slate mein Google Assistant integration ko aur bhi behtar form mein diya gaya hai. Yeh tablet split screen mode ko support karta hai. Pixel Slate full size backlit keyboard ke sath aata hai jise aap badi hi aasani se remove bhi kar sakte hain. Iske alawa ismein stylus bhi supported hai.

Google Pixel Slate ke pre-order par ismein 3 months ke liye Youtube TV free diya jaayega. Pixel Slate ke cover ko office work ke liye itni precisely design kiya gaya hai ki aap ise kisi bhi angle par rotate kar sakte hai jis se ki apke viewing angle par koi bhi effect na pade.

Google Home Hub

Google Home Hub ek smart screen aur smart speaker ka combination hai jo ki Google Assistant ke through voice command ke through respond karta hai aur saath hi picture ya video ke roop mein bhi use dikhata hai.

Google Home Hub mein 7 inch ki display di gayi hai aur iske sath attach speaker ek fabric se covered hai. Yeh device aapko Aqua, Sand, Charcoal aur Chalk color options mein milegi. Device ko itna comapct design kiya gaya hai ki aap ise kahi bhi rakh kar use kar sakte hain.

Google Home Hub Google ki sabhi services jaise Google Photos, Google Maps, Google Calendar, Google Drive ko bhi properly support karta hai aur apki voice command se sabhi features ko operate bhi karta hai. Consumers ki privacy ko dhyaan mein rakhte huye, Google ne Home Hub mein camera nahi diya hai.

 

Google Home Hub mein ambient light sensor diya gaya hai jo ki adaptive intelligence (AI) par work karta hai, iss feature ko Ambient EQ kaha jata hai. Iss feature ki help se yeh device surrounded light ki intensity ko judge kar ke apko utni hi brightness provide karta hai jitni jarurat hai.

Price & Availability

Price ki baat ki jaaye to Google Pixel slate ki starting price $599 (Rs 44,000 Approx) hai. Wahi Google Home Hub ki price $149 (Rs 11,000 Approx ) batayi gayi hai. Halaanki India mein yeh product abhi available nahi honge. Google Pixel Slate abhi sirf US, UK aur Australia market mein available ho sakegi aur Google Home Hub ko aap US mein aaj hi pre-order bhi kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: