Liquid Cooling Technology Ke Saath Launch Hua Gaming Phone, Nubia Red Magic 3S

ZTE ke sub-brand Nubia ne China mein aaj ek aur game centric smartphone Nubia Red Magic 3S ko launch kar diya hai. Yeh phone Nubia Red Magic 3 ka upgrade variant hai, jise June mein India mein launch kiya gaya tha. Iss phone mein company ne processor ko upgrade kiya hai. Iske alawa kuch aur upgrades bhi kiye gaye hain. Game centric phone hone ki wajah se iss phone mein active cooling system ka use kiya gaya hai, jo ki liquid cooling technology ka use karta hai. Ismein extra air inlet diye gaye hain jo ki turbo fan ke saath aate hain. Iss se phone ka thermal performance behtar bana rehta hai, saath hi yeh active cooling system ko bhi maintain karta hai.

Nubia Red Magic 3s mein 6.65 inch ki Full HD+ AMOLED display di gayi hai jiska screen refresh rate 90Hz hai. Phone ka screen ratio 19.5:9 diya gaya hai. Yeh phone 430 nits brightness level ke saath aata hai. Iss phone mein company ne Octa-Core Snapdragon 855 Plus chipset ka use kiya hai, iske opposite Nubia Red Magic 3 mein Snapdragon 855 chipset ka use kiya gaya tha. Behtar graphics ke liye iss phone mein Adreno 640 GPU diya gaya hai. Phone mein Red Magic OS 2.1 based Android 9 Pie operating system milta hai.

Gaming ke liye iss phone mein touch sensitive shoulder triggers provide kiye gaye hain, jiske wajah se aapko kisi bhi additional gamepad ki jarurat nahi padti hai. Phone mein aap apni choice ki according RGB light ko bhi customize kar sakte hain. Ismein aapko Red Magic ke light editor ke saath 16.8 Millions se bhi jyada colors mil jaate hain.

Phone ke rear panel par 48MP (f/1.75 aperture), Sony IMX586 sensor ke saath single camera diya gaya hai. Yahaan aapko dual LED flash milta hai. Iske alawa front mein aapko 16MP ka selfie camera diya gaya hai. Phone ke back panel par finger print scanner ka option bhi aapko iss phone mein mil jaata hai. Phone mein front stereo speakers diye gaye hain jismein aapko DTS:X surround sound milta hai. Connectivity ke liye aapko iss phone mein dual 4G VoLTE, dual band WiFi 802.11 ac, Bluetooth 5, GPS/GLONASS/Beidou ka option mil jaata hai. Phone ko power dene ke liye 5000mAh ki battery ka use kiya gaya hai jismein 27W quick charge 4.0 technology ka support milta hai. Yeh phone aapko Flame Red, Black aur New Silver color mein milega. Phone ki price aur storage ko aap neeche dekh sakte hain.

  • Nubia Red magic 3S (8GB/128GB)    –  CNY 2999 (~Rs 30,190)
  • Nubia Red magic 3S (12GB/256GB)  –  CNY 3799 (~Rs 38,250)

Yeh phone China mein 9th September se sale ke liye available hoga. Company ne announce kiya hai ki iss phone ko October tak global market mein bhi utaara jaayega.

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: