Liquid Cooling Technology Aur Snapdragon 855 Ke Saath Black Shark 2 Iss Date Par Hoga China Mein Launch

Xiaomi ke most awaited gaming smartphone Black Shark 2 ki launch date finally company ne reveal kar di hai saath hi kuch specs ko bhi confirm kiya hai. Yeh phone China mein 18th March ko launch kiya jaaega. Iss phone ki specs ki kaafi rumors  already saamne aa chuki thi lekin Antutu Bench marks list par iss phone ka Antutu score show hone ke saath iske kuch specs bhi unveil huye hai. Post ki gayi list mein bataya gaya hai ki yeh phone latest Qualcomm Snapdragon 855 chipset ke saath aayega. Saath hi iss phone mein liquid cooling engine bhi diya jaaega.

 

Black shark 2 mein milne wale liquid cooling system ko aap upar di gayi left image mein dekh sakte hain. Snapdragon 855 chipset ke alawa aapko iss phone mein 12GB RAM bhi dekhne ko milegi, yeh bhi company ne confirm kiya hai. Neeche dikhai rahi image mein aap iss phone ka Antutu bench mark score dekh sakte hain jo ki 359973 hai. Issi month Antutu ne top 10 Antutu score karne wale phones ki list post ki thi jismein top score Mi 9 ka tha jo ki 371849 tha. Mi 9 ke baad best Antutu scoring phone Black shark 2 ho sakta hai.

 

Anutu ke dwara kiye gaye post mein aap upar dekh sakte hain ki iss phone mein aapko Android 9, Snapdragon 855 CPU, Adreno 640 GPU, 8GB RAM, 128GB ROM aur 2340×1080 resolution ki display dekhne ko mil rahi hai. Last week hi company ke CEO ne confirm kiya tha ki hum iss phone mein liquid cooling 3.0 technology use karenge jo ki ek tower type liquid cooling system hoga.  Yeh technology gaming ke time par phone ke thermal level ko down rakhne mein help karti hai, jis se aap lag free aur smooth gaming ka experience le paate hain. Iss technology ki wajah se aapko gaming mein 60% tak better performance milegi.

 

Geek bench list par iss phone ko dekha gaya tha jahan iss phone ka 8GB RAM ke saath Geek Bench score 3494 aur 12GB RAM ke saath 3516 note kiya gaya tha. Expect kiya jaa raha hai ki yeh phone game turbo mode ke saath launch kiya jaa sakta hai jo ki gaming experience ko aur bhi improve karega. Company ne yeh pehle hi confirm kar diya hai ki wah Black shark 2 ko India mein bhi launch karegi. 18th March ko company iss phone ko China ke Beijing mein launch karegi. Uske baad hi yeh bataya jaa sakega ki humein iss phone ke India launch ke liye kitna wait karna padega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: