LG W-series Phone Ke India Launch Se Pehli Hi Online Leak Hui Live Image

LG ki W-series, launch se pehle hi kaafi charcha mein hai. Company ne ye to saaf kar hi diya hai ki ye nayi series India ke liye hi hai aur ek affordable smartphone series hogi. Expected hai ki ye Redmi, Realme aur Samsung ki M-series, jiska haal hi mein Galaxy M40 phone saamne aaya hai, se compete karegi. Company dheere dheere iske kaafi teasers dikha chuki hai, aur LG W-series ka first phone jaldi hi hamaare saamne bhi aane waala hai, lekin isse pehle hi is smartphone ki first real image leak ho chuki hai.

LG W-series ka jo first phone India mein aane waala, uske rear panel ki image leak hui hai. Look wise ye smartphone kaafi stunning lag raha hai. Saath hi ismein triple rear cameras nazar aa rahe hain, jo ki vertically placed hain, last camera ke around ke red color ki ring hai. Ismein aapko rear mounted fingerprint sensor milega aur neeche ki taraf LG ka logo hai.

LG W-series smartphone ke specs ko lekar bhi kuch details hamaare saamne aayi hain. Is handset mein aapko MediaTek Helio P60 chipset milne ki ummid hai aur bataaya jaa raha hai ki iski battery capacity 4,000mah ki hogi aur ye Android 9.0 Pie OS par chalega. Ye details popular tipster Ishan Agarwal ne apne Twitter handle par jaari ki hain.

Is Amazon exclusive phone ke baare mein company bhi kaafi kuch reveal kar chuki hai, jaise ki ismein aapko five camaera modes milenge – normal, front camera selfie, night mode, portrait,bokeh aur wide angle lens shaamil hain. Ismein aapko notch bhi apni marji ki milegi, yaani ki yahaan par U-shaped notch, V-shaped notch aur notch off karne jaise options aapko milenge.

Leaked photo aur specs ke saath, phone kaafi interesting lag raha hai, ab bas dekhna ye hai ki company ise kis price tag ke saath launch karti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: