LG V40 ThinQ Ki First Press Image Leak: Triple Rear Cameras Aur Stunning Looks Reveal Huye

Ye to aap jaante hi hain ki LG ka latest flagship smartphone V40 ThinQ, October 3, 2018 ko announce hone waala hai. Halaanki couple of months se ye handset rumors mein kayi baar nazar aaya hai, lekin is handset ki first press image leak ho gayi hai aur iska credit jaata hai famous leakster Evan Blass ko.

Evan Blass ne aaj LG V40 ThinQ ki press image apne Twitter account ke zariye share ki hai, jismein aap handset ka complete design dekh sakte hain. LG V40 mein upar ki taraf center mein triple rear cameras ko horizontally design kiya gaya hai aur unke thik neeche fingerprint scanner diya gaya hai. Iske neeche V40 ThinQ ki branding nazar aa rahi hai.

LG ke is flagship smartphone mein front panel par aap dekh sakte hain ki notchless display hai aur upar ke thin bezel mein dual frontal cameras moujood hain.

Rumors hain ki ismein 12 + 12 + 16 MP ke triple rear cameras hain aur front par primary camera 8 MP ka hai aur secondary 5 MP resolution ke saath diya gaya hai. Ismein Android 9.0 Pie OS hai aur 6.4 inch ki OLED display hai. Snapdragon 845 chipset ke saath aane waale is smartphone mein 6GB ki RAM aur 64GB / 128GB storage options expect kiye jaa rahe hain.

LG V40 ThinQ mein 3300mAh ki battery, fast charging support ke saath aa sakti hai. Ye water resistance aur military grade certification ke saath aa sakta hai. Halaanki agar company ismein in-display fingerprint sensor nahi deti hai, to ye iska ek drawback ban sakta hai, kyunki sabhi flagship smartphones mein ab ye feature expect kiya jaata hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: