LG Q9 Quad HD+ Display Aur Military Grade Certification Ke Saath Launch Hua

LG ka naya Q series smartphone aaj announce kiya gaya hai. Is smartphone mein aapko notch display aur durability ke liye ismein MIL-STD 810G certification milta hai. LG Q9 ko Carmine Red, New Aurora Black aur Moroccan Blue colors mein launch kiya gaya hai.

LG Q9 ek durable aur decent smartphone hai, lekin company ne ise 499,400 Korean Won (approx. 31,000 INR) ke price par launch kiya hai. Aur is smartphone mein aapko 16 MP ka single rear camera LED flash light aur f/2.2 aperture ke saath diya gaya hai, jabki front par 8 MP ka rear shooter hai. Yaani ki 30K ki price range mein bhi ye company single rear camera offer kar rahi hai.

Iske alawa ismein aapko 6.1 inch ki Quad HD+ display milti hai. Jabki mostly companies aapko is price mein full HD display provide karti hain, lekin yahaan Q9 mein aapko QHD+ 19.5:9 display di gayi hai. Ismein quad core Snapdragon 821 processor, Adreno 530 GPU ke saath moujood hai.

LG Q9 mein rear mounted fingerprint sensor hai aur saath hi ye handset IP68 certification ke saath water aur dust resistant bhi hai. Saath hi iski battery capacity 3000mAh hai, aur ye Quick Charge 3.0 support ke saath aati hai. Connectivity options mein 4G LTE, WiFi 802.11 ac, WiFi 802.11 ac aur Bluetooth 5.0 LE, USB Type-C 3.1 shaamil hai.

LG Q9 mein 4GB LPDDR4x RAM aur 64GB ki internal storage moujood hai aur Android 8.1 Oreo OS ke saath LG UX skin di gayi hai. Filhaal, is baat ki koi information nahin hai, ki ye smartphone kab launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: